Mbaʼépa rejapose nde rekovépe?

¹ Umi mitãme oñeporandu jepi: Mbaʼépa rejapose ndetuicha vove?” Ne mitãrõ guare, reikoséparaʼe vombéro térã superintendénte de sirkuítoramo? Ha oimérõ mitãkuña katu, reikoséparaʼe vailarína, enferméra térã misionéraramo? Koʼág̃a rekakuaavémarõ rehóvo reñeporanduvaʼerã: “Mbaʼépa ajapóta che rekovépe?” Reimémapa redesidi hag̃uáicha mbaʼépa rejapóta?

² Ikatu hag̃uáicha redesidi porã, Jehová organisasión ojapo DVD Los jóvenes preguntan... ¿Qué haré con mi vida? Ehechamíntena ha ejepyʼamongetami umi dráma, entrevísta, ha umi informasión oĩvévare. “Menú principal” heʼihápe retopáta mbaʼépa oĩ pype.

³ Dráma. Rehecha vove pe dráma, eñeporandu: 1) Mbaʼépepa ojojogua Timoteo ha Andy? (Hech. 16:1; 1 Tim. 4:8; 2 Tim. 1:5.) 2) Mbaʼéichapa oñemoakãraku Ándype oñembokatupyryve hag̃ua depórtepe ha mávapa ojopy chupe upearã? 3) Máva mávapa ohekomboʼe porã vaʼekue Timoteo ha Ándype, ha mbaʼéichapa ojapo hikuái upéva? (2 Tim. 1:1-4; 3:14, 15.) 4) Mbaʼéichapa oipytyvõ Ándype Mateo 6:24 ha Filipenses 3:8 heʼíva ha mbaʼéichapa nepytyvõkuaa avei ndéve?

⁴ Selección de escenas. Rehechapa vove pe dráma emoĩ jey koʼã párte ha embohovái umi porandu. “Pablo y Timoteo”: Mbaʼépa heʼivaʼekue Pablo Timotéope ojapo hag̃ua? (2 Tim. 4:5.) “Dar el máximo a Jehová”: Mbaʼépa rehupytyse Ñandejára servísiope? “La decisión de servir a Jehová”: Mbaʼéichapa jahupytykuaa vyʼa añetetéva? “Palabras de la abuela”: Mbaʼérepa tuicha jajavy ñanefamososérõ ko múndope, oĩva Satanás poguýpe? (Mat. 4:9.) “No me arrepiento”: Mbaʼépa nepytyvõta avei reikuaa hag̃ua mbaʼépa rejapóta nde rekovépe? (Pro. 10:22.)

⁵ Entrevistas. Rehecháramo peteĩteĩ koʼã párte, rehechakuaápa mabaʼéichapa ikatu remeʼẽ iporãvéva ndejegui Jehovápe? 1) “Te dedicarás a Dios o a alcanzar metas sin valor?” (1 Juan 2:17.) 2) “Aprende a disfrutar del ministerio.” (Sal. 27:14.) 3) “Una puerta abierta al servicio de Jehová.” (Mat. 6:33.)

⁶ Al mirar atrás. Embohovaimína 1) Mbaʼépa ostudiavaʼekue umi ermáno ha mbaʼérepa? 2) Osẽ porãmbápa chupekuéra? 3) Mbaʼéichapa okambia hikuái hekove? 4) Mbaʼéichapa oservi hikuái Ñandejárape upe rire ha mbaʼérepa ndaikatumoʼãi osegi avei ombaʼapo? 5) Ombyasýpa hikuái ojapohaguére upéicha? 6) Umi mbaʼe heʼivaʼekue apytégui, mbaʼe pártepa nepytyvõ reikuaa hag̃ua mbaʼépa rejapóta nde rekovépe?

⁷ Otras entrevistas. Ko pártepe, mbaʼépa rehechakuaa ikatuha rejapo rembaʼapove hag̃ua Ñandejára servísiope? 1) “La importancia del estudio personal.” 2) “Otras formas de dar testimonio.” 3) “Servicio de Betel.” 4) “La escuela misional de Galaad.” 5) “Escuela de Entrenamiento Ministerial.” (Ehecha jey heʼihápe “Índice de temas relacionados” ha eleeve umi párte iñimportantevéva ndéve g̃uarã.)

⁸ Reikuaámapa mbaʼépa rejapóta nde rekovépe? Pablo heʼivaʼekue Timotéope: “Eñepyʼamongetákena koʼã mbaʼe rehe ha ejapo upéicha opavave ohecha hag̃ua oho porãha ndéve” (1 Tim. 4:15). Romokyreʼỹ rejapo hag̃ua umi mbaʼe rehecha ha rehenduvaʼekue ko DVD-pe. Ejerure Jehovápe tanepytyvõ redesidi porã hag̃ua. Upéicharõ reikóta vyʼa ha pyʼaguapýpe koʼág̃ama voi, ha tenonderã gotyo katu rehupytýta tekove ijojahaʼỹva.

[Rrekuádro oĩva páhina 7-pe]

MENÚ PRINCIPAL

Ver drama

Escenas (11 selecciones)

Entrevistas

Ver todas

Secciones (3 selecciones)

Al mirar atrás...

Extras

Otras entrevistas

Índice de temas relacionados

Subtítulos

Para sordos

Ninguno

Para navegar por el menú, usa los botones Más ▶, ◀  Volver y Menú principal.