Mbaʼéichapa ñaikuaveʼẽta ñande rrevísta

Ñemañaha Agosto

“Ñambyasyetereíningo omanóramo ñandehegui peteĩ jahayhúva. Ndépa ere umi omanovaʼekue osegiha oikove ótro hendápe? [Ehaʼarõ tokontesta.] Jahechami mbaʼeichaitépa ñanemokyreʼỹ Jesús heʼivaʼekue koʼápe [elee Juan 5:28, 29]. Jesús heʼi pe ñemoingove jey oikotaha amo gotyove. Upévare ko rrevístape oñemyesakã moõpa heʼi la Biblia oĩha umi omanovaʼekue.”

¡Despertad! Agosto

Reñeʼẽramo peteĩ mitãkuña térã mitãrusu ndive, ikatu ere: “Heta ndeaveguáva rehe oñeñeʼẽ vai jepi. Oikómavapa nderehe upéva? [Ehaʼarõ tokontesta.] Ñandejára Ñeʼẽ heʼi ñandéve heta mbaʼe ikatúva ñanepytyvõ oñeñeʼẽ vai jave ñanderehe. Ha avei omombeʼu ñandéve mbaʼépa jajapovaʼerã ani hag̃ua ñañeʼẽ vai ñande rapicháre”. Ehechauka oĩva páhina 12-pe ha elee upégui peteĩ téysto.

Ñemañaha Septiembre

“Heta tapicha oimoʼã pe ‘Antiguo Testamento’ omombeʼuha heta mbaʼe oikovaʼekue yma ha iñimportánteva, péro umi konsého omeʼẽva naiporãichéne hag̃ua ñandéve g̃uarã. Mbaʼépa nde ere? [Ehaʼarõ tokontesta ha elee Romanos 15:4.] Ko rrevísta ohechauka pe ‘Antiguo Testamento’ omeʼẽha heta konsého iporãva koʼág̃a g̃uarã ha ikatuha ñahaʼarõ heta mbaʼe porã.”

¡Despertad! Septiembre

“Ndépa ere umi sarambi ojapóva ama guasu térã yvytu atã Ñandejára rembiapoha? [Ehaʼarõ tokontesta ha elee Deuteronomio 32:4.] Ko rrevísta omombeʼu mbaʼérepa Ñandejára oheja oiko sarambi ou jave ama guasu térã umi yvytu atã. Heʼi avei ñandéve mbaʼéichapa ñañangarekovaʼerã ñane famíliare upéicha jave.”