Carta de la Sucursal

Puvlikadorkuérape g̃uarã:

Bolíviape umi 18.628 puvlikadór ohechakuaa mbaʼeichaitépa Jehová ovendesi chupekuéra. Koʼág̃a oĩve mokõi sirkuíto, peteĩ quechua ha ótro aymará, káda sirkuítope oĩ 1.000 puvlikadór rupi. Ha Departamento de Traducción oipytyvõgui chupekuéra ontende porãve Ñandejára Ñeʼẽme oĩva ha péicha imbareteve hikuái ijeroviápe. Avei hetaitereive oĩ ostudiáva la Biblia, ojehupytýma 26.846. Katuete ningo osegíta ombaʼapo hikuái kyreʼỹme ha péicha ojehupytyvéta heta mbaʼe porã.

Paraguáipe umi traváho ojejapóva oñembotuichave hag̃ua pe sukursál oho porãiterei hína hese. Julio guive oiporúma umi ofisína pyahu Departamento de Traducción (guarani ha lenguaje de señas paraguayo), Compras, Construcción de Salones del Reino ha ótro avei. Heta mbaʼéma avei ojejapo pe edifísio ojeikotahápe, oĩháme 32 koty. Koʼẽrõitéma ojejapopáta koʼã traváho porãite.

Uruguáipe heta mbaʼe porã ojehupyty pe áño de servísio 2008-pe. Márzope 1.237 ermáno ojapo precursorado auxiliar, upéva heʼise 11,2 % ojapo hague iprekursorádo upe méspe. Oñehaʼãmbaite hikuái og̃uahẽ umi lugár ojepredikaʼỹháme ha território mombyryvehápe. Umi rupi heta mbaʼe porã ohupyty hikuái ha ohecháma mbaʼéichapa ikatu pyʼỹive oho oipytyvõ hag̃ua umi tapicha ipyʼaporãvape. Ha rovyʼaiterei avei romombeʼúvo ko áño de servísiope hetaveha oĩ puvlikadór, hetave óra ojepredika, avei hetave rrevísta oñemeʼẽ ha hetave rrevisíta ojejapo.

Pene ermanokuéra,

Sukursalpegua