Mbaʼeichagua tratamiéntopa iporãve?
“Peteĩ tapichápe noñemoĩriramo tuguy ojopera jave, oñemeʼẽhína chupe pe tratamiénto iporãvéva”. Upéicha heʼi doktór Michael Rose, omoakãva peteĩ hospital, ha omoĩva anestésia. Mbaʼeichaguápa hína umi tratamiénto ndojeporuihápe tuguy ha mbaʼépa oñemoĩ hekovia? Tekotevẽ jaikuaa umi mbaʼe ikatu hag̃uáicha jaikuaa mbaʼépa jajapóta jajoperáta jave ha mbaʼeichagua tratamiéntopa jaiporúta. Ehechákena pe vidéo La negativa a la sangre. La medicina acepta el reto, ha upéi eiporu koʼã porandu rehecha hag̃ua rentende porãpa. Ko vidéope ojehechauka mbyky mimi umi operasión ojejapóva. Upévare tuvakuéra oikuaavaʼerã mbaʼépa ojapóta oĩramo ifamília michĩva gueteri ohechátava hendivekuéra.
1) Mbaʼérepa peteĩ testígo de Jehová nomoĩukái tuguy? 2) Mbaʼeichagua tratamiéntopa oipota peteĩ testígo de Jehová? 3) Mbaʼe deréchopa oreko peteĩ pasiénte? 4) Mbaʼérepa ikatu jaʼe jajapo porãtaha jaiporavóramo peteĩ tratamiénto ndojeporuihápe tuguy? 5) Peteĩ hasýva huguyetereíramo, mbaʼe mbaʼépa ojapo pyaʼe vaʼerã umi doktór? 6) Oĩ cuatro mbaʼe ikatúva ojejapo ani hag̃ua ojeporu tuguy. Mbaʼe mbaʼépa umíva? 7) Mbaʼépa ikatu ojapo peteĩ doktór pe hasývare a) ani hag̃ua huguyeterei, b) ani hag̃ua oguejyeterei iglóvulo rojo, c) pyaʼe huguy hetave jey hag̃ua ha d) oiporu jey hag̃ua pe tuguy osẽvaʼekue chugui? 8) Emombeʼu a) mbaʼéichapa ojejapo pe hemodilución ha b) mbaʼépa ojejapo ojeporu jey hag̃ua ñande ruguy. 9) Mbaʼépa iporã reikuaa rejapoukátaramo peteĩ tratamiénto ndojeporuihápe tuguy? 10) Ikatúpa ojejapo umi operasión tuicháva ha ipeligrósova ojeporuʼỹre tuguy? 11) Mbaʼe iporãvapa ojapohína koʼág̃a rupi umi doktór?
Ñandete jadesidivaʼerã ikatútapa jajapouka umi tratamiénto jahechavaʼekue ko vidéope, jaikuaáma rupi mbaʼéichapa Ñandejára ohecha koʼã mbaʼe. Reikuaámapa mbaʼeichagua tratamiéntopa reiporúta nde ha ne familiakuéra michĩva? Nderogayguakuéra ndahaʼéiva Testígo oikuaavaʼerã avei mbaʼeichagua tratamiéntopa reiporavo, ha mbaʼérepa (ehecha “Preguntas de los lectores” osẽvaʼekue La Atalaya 15 de junio 2004 ha 15 de octubre 2000-pe).