Mbaʼéichapa ñaikuaveʼẽta ñande rrevísta

Ñemañaha Enero-Marzo

“Opárupi ojekuaa mávapa María ha oñemombaʼe chupe. Ndépa mbaʼe repensa? [Ehaʼarõ tokontesta.] La Biblia omombeʼu ñandéve Maríape oñemeʼẽ hague ojapo hag̃ua heta mbaʼe iñimportantetereíva [elee Lucas 1:​30-32]. Ko rrevísta ohechauka ñandéve mbaʼépa ikatu ñaaprende chugui.”

¡Despertad! Febrero

“Ndépa ere Ñandejára oikuaapamaha voi mbaʼépa oikóta ñandehegui ha umi mbaʼe jajapótava? [Ehaʼarõ tokontesta.] Heʼiháicha la Biblia ñande voi ikatu jaiporavo mbaʼépa jajapóta [elee Deuteronomio 30:19]. Katuete ningo nepytyvõta ko téma oñeʼẽva upévare.” Ehechauka pe artíkulo oĩva páhina 12-pe.

Ñemañaha Enero-Marzo

“Yvyporakuéra ningo oñangareko rangue ko yvýre ombyaipave ohóvo. Ndépa ere Ñandejára ojepyʼapyha upévare? [Ehaʼarõ tokontesta. Upéi elee Revelación 11:18.] Ko rrevístape ohechauka koʼẽrõitéma ñande yvy iporã jeytaha.” Ehechauka chupe páhina 18.

¡Despertad! Marzo

“Koʼág̃a rupi ningo ijetuʼueterei la situasión ha upévare heta hénte ojepyʼapyeterei pe plátare, ndépa mbaʼe repensa upévare? [Ehaʼarõ tokontesta.] Emañamína ko konsého oñemeʼẽvare ñandéve [elee 1 Timoteo 6:​8, 10]. La Biblia ningo ñanepytyvõ avei jaiporu porã hag̃ua ñande pláta ha ani hag̃ua jajepyʼapyeterei. Ko rrevísta ohechauka mbaʼéichapa ikatu jajapo upéva.”