Mbaʼéichapa ikatu ñaikuaveʼẽ ñande rrevísta

Ñemañaha Enero-Marzo

“Oiméne rehechakuaa koʼã tiémpo jaikóvape saʼietereiha umi hénte okumplíva iñeʼẽ. Upévare sapyʼánte ndajaikuaái mávarepa jajeroviáta. Mbaʼépa nde repensa, mávarepa ikatúne jajerovia? [Ehaʼarõ tombohovái.] Emañamína mbaʼépa heʼi ñandéve Ñandejára Ñeʼẽ, [elee Josué 23:14]. Ko artíkulo ohechauka mbaʼéicha rupípa jajeroviakuaa Ñandejárare.” Ehechauka chupe páhina 12.

¡Despertad! Marzo

“Heta oĩ omombaʼéva la Biblia heʼíva, péro heʼi avei itujaitereimaha ha upévare ndaikatuiha jagueroviapaite umi mbaʼe oĩva ipype. Ndépa mbaʼe repensa, ikatu piko jaguerovia umi mbaʼe ojeʼéva la Bíbliare? [Ehaʼarõ tombohovái ha upe rire elee Romanos 15:4.] Ko rrevísta omyesakã porã mbaʼérepa iñimportanteterei la Biblia heʼíva, jepe aretereíma ojehai hague.” Ehechauka chupe páhina 28.

Ñemañaha Abril-Junio

“Heta oĩ opensáva Jesús haʼeha pe kuimbaʼe iñimportantevéva ko múndope. Ndépa mbaʼe ere? [Ehaʼarõ tombohovái.] Hetaiterei mbaʼéma ningo ojeʼe Crístore, péro ko téysto ohechauka mbaʼérepa tekotevẽ jaikuaa porã chupe [elee Juan 17:3]. Reikuaasépa mbaʼépa heʼi la Biblia Jesúsre? Ko rrevísta Ñemañaha (edisión espesiál) ohechauka porãta ndéve umi mbaʼe ha avei mbaʼépa haʼe omboʼéraʼe.”

¡Despertad! Abril

“Koʼág̃a rupi ofaltapa ñandéve tiémpo jajapopa hag̃ua ñane rembiapokuéra, ajépa? Oikómapa nderehe upéva? [Ehaʼarõ tombohovái.] Ahechaukasemi ndéve peteĩ konsého hetápema oipytyvõva ha ikatútava avei nepytyvõ [elee Filipenses 1:10]. Ko rrevísta ohechauka mbaʼépa ikatu rejapo reiporu porãve hag̃ua ne tiémpo.”