Mbaʼéichapa ñaikuaveʼẽta ñande rrevísta

Ñemañaha Abril-Junio

“Oĩ heta ogueroviáva jarekoha peteĩ óra ñamano hag̃ua. Upévape oñehenói ‘ñane destíno’. Oĩ avei opensáva ñandete jadesidiha ñane renonderã, mbaʼépa nde repensa? [Ehaʼarõ tokontesta.] Emañamína mbaʼépa heʼi ñandéve Ñandejára Ñeʼẽ [elee Eclesiastés 9:11]. La Biblia rupive ko rrevísta omyesakã porã ko mbaʼe.” Ehechauka chupe pe artíkulo oĩva páhina 26-pe.

¡Despertad! Junio

“Oĩ heta okyhyjéva umi omanóvagui oimoʼãgui ojapotaha hesekuéra ivaíva. Ndépa rekyhyje avei chuguikuéra? [Ehaʼarõ tokontesta ha upéi elee Eclesiastés 9:​5, 6.] La Biblia ohechauka umi omanóva noñanduveimaha mbaʼeve, heʼíva ku ñeʼẽ: “omanóva ningo omanóma”. Ko artíkulo omyesakãve ko mbaʼe.” Ehechauka chupe páhina 22.

Ñemañaha Julio-Septiembre

“Hasýpa ndéve rentende hag̃ua la Biblia? [Ehaʼarõ tokontesta.] Heta hénte ningo nontendeporãi, péro Salmo 119:130 heʼi Ijapohare oipotaha ñantende porã ipype oĩva ikatu hag̃uáicha ñanepytyvõ [elee]. Ko rrevísta ohechauka mbohapy mbaʼe ikatúva ñanepytyvõ ñantende porã hag̃ua Ñandejára Ñeʼẽ.”

¡Despertad! Julio

“Koʼág̃a rupi hetaiterei hénte oñedeprimi. Ndépa ere Ñandejára ojepyʼapyha hesekuéra? [Ehaʼarõ tokontesta ha upéi elee Salmo 34:18.] Heta ningo oĩ ohóva doktórpe ojealiviami hag̃ua. Ko rrevísta ohechauka mbaʼéichapa Ñandejára oipytyvõ umi oñedeprimívape ha avei mbaʼépa ikatu jaʼe chupekuéra oñeñandu porãve hag̃ua.”