Mbaʼéichapa ikatu ñaikuaveʼẽ ñande rrevistakuéra

Ñemañaha Julio-Septiembre

“Heta oĩ oimoʼãva ohotaha yvágape omano rire. Ndépa rehose avei upépe remano rire? [Ehaʼarõ tombohovái.] Ahechaukasemi ndéve ikatúramo mbaʼépa heʼi Ñandejára Ñeʼẽ ohaʼarõha umi hekopotĩvape [elee Salmo 37:29]. Ko rrevísta omyesakã porã máva mávapa ohóta yvágape ha avei mbaʼépa ojapóta hikuái upépe.”

¡Despertad! Julio

“Mbaʼépa nde repensa, iporãpa kuña omoakã peteĩ rrelihión? [Ehaʼarõ tombohovái.] Emañamína mbaʼépa heʼi la Biblia peteĩ kuña oservivaʼekuére Ñandejárape [elee Romanos 16:1]. Péro avei ambue téystope heʼi kuñanguéra nomboʼeivaʼerãha kongregasiónpe. Ojoavy piko koʼã téysto? Ko artíkulo omyesakã porã upéva.” Ehechauka chupe pe artíkulo oĩva páhina 28-pe.

Ñemañaha Julio-Septiembre

“Mbaʼépa nde repensa, oipyʼapýpa Ñandejárape upe rrelihión jaiporavóva? [Ehaʼarõ tombohovái, upe rire elee Mateo 15:9.] Ko artíkulope oĩ irundy mbaʼe Jesús ohechaukavaʼekue ñanepytyvõtava jahechakuaa hag̃ua mbaʼe rrelihiónpa Ñandejára oguerohory.” Ehechauka chupe pe artíkulo oĩva páhina 16-pe.

¡Despertad! Agosto

“Oiméne reñemongetámava peteĩ testígo de Jehová ndive. Ndépa reikuaa mbaʼérepa pyʼỹiete rog̃uahẽ káda óga, oĩramo jepe noñatendeséiva orerehe? [Ehaʼarõ tombohovái, upe rire elee Mateo 24:14.] Ore romyerakuã Ñandejára marandu porã oparupiete ha heta hénte nontendéi upéva, upéicha rupi oñeʼẽ vai orerehe. Ko rrevísta omyesakã porã mbaʼépa ore roguerovia.”