Rejesarekópa ‘peteĩ mbaʼérente’?

1. Mbaʼépa heʼise ‘ñamaña peteĩ mbaʼérente’?

¹ Umi mbaʼe jahecháva ningo ikatu ojapo porã ñanderehe térã ikatu ñanembyai, upévare iñimportánte ñañatende mbaʼérepa jajesarekoñaína. Jesús heʼivaʼekue voi: ‘Nde resa omañáramo peteĩ mbaʼérente nde rete avei omimbipáta’ (Mat. 6:22, NM). Mbaʼépa heʼise upéva? Jajesarekovaʼerãha Ñandejára rembipotáre ha ñamotenonde Irréino. Ha ndajahejaivaʼerã umi mbaʼerepy ni ambue mbaʼe ñanemboyke iservísiogui.

2. Mbaʼérepa ikatu ñaimoʼã ñaikotevẽha heta mbaʼe, ha mbaʼépa ñanepytyvõta?

² Ajesarekópa peteĩ mbaʼérente? Ñande ikatu ñaimoʼã ñaikotevẽha heta mbaʼe jaiko porãve hag̃ua, oĩ rupi heta propagánda ohechaukáva upéva térã jahechágui ñande rapichakuéra oguerekoha heta mbaʼe. Péro jaiporu rangue ñane tiémpo, mbaretekue ha  ñande pláta jajogua térã jahupyty hag̃ua peteĩ mbaʼe ñandegustáva, iporã ñañeporandumi: Akalkulámapa ‘mboýpa cherupytýta’? Chepytyvõtapa aservi porãve hag̃ua Jehovápe? (Luc. 14:28; Fili. 1:9-11.) Iporã jajepyʼamongeta jepi ha jahecha mbaʼe mbaʼépa ikatu ñamboyke jaservi porãve hag̃ua Jehovápe (2 Cor. 13:5; Efe. 5:10).

3. Mbaʼépa ojapovaʼekue peteĩ ermána ha mbaʼépa ñanemboʼe upéva?

³ Peteĩ prekursóra rregulár ikatuvaʼekue ombaʼapo saʼive ha upéicharõ jepe oñemantene porã. Péro haʼe odesidi osegínte ombaʼapo un diaite, ha amo ipahápe heʼi: “Avave ndaikatúi oservi porã Ñandejárape oñehaʼãvo ohupyty umi mbaʼerepy. Ahechakuaa umíva ndarekomoʼãiha opa árare ha avei cheporupaiteha. Upémarõ amboyke umi mbaʼe chegustáva ha aiko ahupytymívarente”. Ko ermána omboyke heta mbaʼe ha okambia itraváho, upéicha rupi osegi ojapo iprekursorádo. Aje piko iporãite iñehémplo!

4. Mbaʼérepa tekotevẽterei ñamaña peteĩ mbaʼérente?

⁴ Jaiko ningo ára pahápe ha oñehundi potaitéma ko múndo aña, péro upéicha avei káda koʼẽ hiʼag̃uive Ñandejára múndo pyahu, upévare tekotevẽterei ñamaña peteĩ mbaʼérente (1 Cor. 7:29, 31). Ha jajesareko predikasiónre, upéicharõmante jajesalváta ñande ha avei umi ñanerendúva (1 Tim. 4:16).