Jaikóramo sensillove ikatúta jaservi porãve Jehovápe

Koʼág̃arupi ningo oĩ hetaiterei mbaʼe hoʼupáva ñandehegui ñane tiémpo. Por ehémplo, jaipota jepi umi mbaʼe osẽ pyahúva, ha jarekóramo heta mbaʼe katu ñamantene vaʼerã umíva. Upéicha rupi sapyʼánte nañanetiempovéima mbaʼeverã. Péro Jesús oñehaʼãmbaite vaʼekue oiko sensillomínte, upéicha rupi omotenonde meme vaʼekue pe predikasión (Mt 8:20).

¿Ikatúpa nde avei reñehaʼã reiko sensillove ikatu hag̃uáicha netiempove repredika hag̃ua? Ikatu hína peteĩ jepe pende rógape oservi de tiémpo kompléto. Ha oimérõ nde reservíma voi hína koʼág̃a de tiémpo kompléto, ¿noiméipa mbeguekatúpe rembyaty raʼe reikóvo heta mbaʼe ha koʼág̃a tekotevẽma hína reiko sensillove? Reñehaʼãramo reiko sensillomínte reservi porãve hag̃ua Jehovápe, katuete revyʼavéta (1Ti 6:7-9).

Eskrivi koʼápe mbaʼépa rejapóta reiko sensillove hag̃ua.