Ndépa reiporúma pe última páhina?

Mbaʼépa ojapo jepi umi hénte ojagarra jave peteĩ rrevísta? Katuete omaña ijapére ha upéi ovolea ohecha hag̃ua oĩva ikupépe. Rrevísta Ñemañaha térã La Atalaya púvliko, oreko jepi última páhinape porandu ha fráse ikatu hag̃uáicha upe oleéva oikuaaseve. Ha ijykére oĩ mbaʼe páhinapepa oñeñeʼẽ upévare.

Umíva ikatu ñanepytyvõ jaikuaa hag̃ua mbaʼépa ñaporandúta ñande rapichápe ñañepyrũ hag̃ua ñañemongeta hendive. Upéicha, ñambaʼapo pyʼỹiramo jepe ñande territóriope, ñañeʼẽkuaa heta témare un méspe. Avei jatopáramo umi hembiapoitereívare, ikatúnte jalee peteĩ porandu oĩva última páhinape ha jaʼe: “Reikuaaséramo mbaʼéichapa oñembohovái ko porandu ahejakuaa ndéve koʼã rrevísta, ha aju nerendápe ótro día ne tiémpo vove”. Oĩ avei ohechaukáva pe última páhina oñepyrũ hag̃ua oñemongeta umi héntendi ha heʼi chupekuéra toiporavo mbaʼe témarepa oñeʼẽse. Upéi ohechauka moõpa oñemyesakãve upe téma ha olee peteĩ téysto oiporavomavaʼekue. Ndépa reikuaa avei mbaʼéichapa ikatu ojeporu pe última páhina?