Mbaʼéichapa ikatu ñaikuaveʼẽ ñande rrevistakuéra

Ñemañaha Julio-Septiembre

“Heta oĩ oimoʼãva ohotaha yvágape omano rire. Ndépa rehose avei upépe remano rire? [Ehaʼarõ tombohovái.] Ahechaukasemi ndéve ikatúramo mbaʼépa heʼi Ñandejára Ñeʼẽ ohaʼarõha umi hekopotĩvape [elee Salmo 37:29]. Ko rrevísta omyesakã porã máva mávapa ohóta yvágape ha avei mbaʼépa ojapóta hikuái upépe.”

¡Despertad! Agosto

“Heta pelíkula koʼag̃agua oñeʼẽ demónio, vrúha ha paje apoháre. Ndépa ere umi demónio oikoveha? [Ehaʼarõ tombohovái. Upe rire elee 1 Corintios 10:20.] Ko artíkulope retopáta mbaʼépa heʼi la Biblia umi demóniore ha mbaʼéichapa ikatu ñañeñangareko chuguikuéra.” Ehechauka pe artíkulo oĩva páhina 20-pe.

Ñemañaha Julio-Septiembre

“Mbaʼépa nde repensa, oipyʼapýpa Ñandejárape upe rrelihión reiporavóva? [Ehaʼarõ tombohovái, upe rire elee Mateo 15:9.] Ko artíkulope oĩ irundy mbaʼe Jesús ohechaukavaʼekue nepytyvõtava rehechakuaa hag̃ua mbaʼe rrelihiónpa Ñandejára oguerohory.” Ehechauka pe artíkulo oĩva páhina 16-pe.

¡Despertad! Septiembre

“Ndépa ere umi selulár térã correo electrónico ikatuha oipytyvõ peteĩ tapichápe oñeñandúramo haʼeño? [Ehaʼarõ tombohovái.] Ahechaukamíta ndéve peteĩ konsého porã ñanepytyvõtava ñañeñandu jave ñaneaño [elee Hechos 20:35]. Ko rrevístape retopavéta heta konsého porã oñeguenohẽva la Bíbliagui.”