Los testigos de Jehová: organizados para predicar las buenas nuevas

Ohasáma cien áño ñande testígo de Jehová japredika hague hekoitépe pe marandu porã. Tuichaiterei rupi ko tembiapo, pe marandu porã oñehendu heta ñeʼẽme ha ohasáma voi doscientos treinta tetã ha território oñemog̃uahẽha (Mat. 24:14). Mbaʼérepa tekotevẽ ojejapo ko tembiapo? Mbaʼéichapa ikatu ñamog̃uahẽ pe marandu ko yvy tuichakuére? Pe vidéo Los testigos de Jehová: organizados para predicar las buenas nuevas ohechauka mbaʼéichapa ojejapo heta mbaʼe ikatu hag̃uáicha oñemog̃uahẽ opa tetãme pe marandu porã. Rehecha rire pe vidéo, ikatu rembohovái koʼã porandu.

Mbaʼéichapa nepytyvõ ko vidéo remombaʼeve hag̃ua 1) Jehová organisasión ojapóva oikuaauka hag̃ua opárupi pe marandu porã? (2 Tim. 4:2.) 2) umi mbaʼe ojejapóva Betélpe ko múndo tuichakuére? 3) umi eskuéla ojejapóva misionéro ha superintendéntepe g̃uarã? (2 Tim. 2:2.) 4) umi mbaʼe ojehupytýva oñehesaʼỹijóvo Ñandejára Ñeʼẽ ára ha ára ha ojejepreparávo rreunionrã káda semána? (Hech. 17:11.) 5) umi mbaʼe porã ojehupytýva ojeho meme rupi rreunionhápe? (Heb. 10:24, 25.) 6) umi mbaʼe porã jahupytýtava oiko vove ko yvýgui peteĩ paraíso? (Isa. 11:9.) 7) ñambaʼapo haguére oĩ hag̃ua hetave oservíva Ñandejárape? (Juan 4:35.)

Ko vidéo ningo iporãiterei ñaipytyvõ hag̃ua umi hénte ipyʼaporãvape ha oikuaasevévape mbaʼéichapa testigos de Jehová ojapo hembiapo ko múndo tuichakuére. 8) Mbaʼéicha javépa ikatu rehechauka ko vidéo ne estudiántepe, ne hentekuéra térã ambue reikuaávape? 9) Mbaʼépa heʼi umi ohechavaʼekue?

Jajepyʼamongeta porãramo opa mbaʼe Ñandejára Jehová ojapóvare koʼág̃a, jahechakuaa siertoha pe salmísta heʼivaʼekue: ‘Jehová che Jára, hetaite mbaʼe porãma ningo rejapo orerehehápe. Máva piko ndéicha, imbaʼeporã orendive’ (Sal. 40:5). Jaiporúkena ko vidéo ñaipytyvõ hag̃ua ñande rapichakuérape omombaʼe hag̃ua ipyʼaite guive Jehová ha iñorganisasiónpe.