Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de octubre

“Heta hénte oñemboʼe pe padrenuestro ha heʼi: ‘Tou ne rréino, tojejapo ne rembipota yvy ape ári yvagapeguáicha’. Péro ndépa mbaʼe repensa, mbaʼépa hína upe Rréino? [Ehaʼarõ tombohovái.] Ko téysto omyesakãmie upéva.” Elee Daniel 2:44. Embohasa pe ogajárape rrevísta Ñemañaha octubre-diciembre ha ehesaʼỹijo hendive párrafo uno, oĩva páhina 16-pe. Eikuaveʼẽ chupe umi rrevísta ha eporandu arakaʼépa ikatu reho jey hendápe pehesaʼỹijo hag̃ua pe porandu mokõiha.

Ñemañaha Octubre-diciembre

“Ndépa mbaʼe ere, oĩ porãpa tuvakuéra ohekomboʼe ifamíliape michĩete guive Ñandejára rembipota, térãpa iporãvéta ohejáramo chupekuéra toiporavo irrelihionrã okakuaapa rire? [Ehaʼarõ tombohovái.] Emañamína mbaʼépa heʼi la Biblia tuvakuérape [elee Efesios 6:4]. Ko rrevísta ohechauka mbaʼéichapa tuvakuéra ikatu ohekomboʼe ifamíliape Ñandejára rembipota.”

¡Despertad! Octubre

“Ndépa mbaʼe ere, mbaʼépa ijetuʼuve tuvakuérape koʼág̃a rupi omongakuaa jave ifamíliape? [Ehaʼarõ tombohovái.] Heta sy ha túva oheka la Bíbliape umi konsého oipytyvõtava chupekuéra. Pór ehémplo, okorrehíta jave ifamíliape osegi ko konsého [elee Efesios 4:31]. Ko rrevísta ohechauka mbaʼéichapa la Biblia ikatu oipytyvõ tuvakuérape omongakuaa porã hag̃ua ifamíliape michĩete guive, ikariaʼy térã ikuñataĩ meve.”