Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de abril

“Heta hénte ningo ofesteha Jesús onase hague ára, péro ¿mbaʼépa nde repensa, iñimportántepa avei jagueromanduʼa pe ára omano hague?” Ehaʼarõ tombohovái, upéi ehesaʼỹijo hendive pe primer porandu oĩva Ñemañaha abril-junio páhina 16-pe, ha elee chupe peteĩ téysto oĩva upépe. Upe rire eikuaveʼẽ chupe pe rrevísta ha eporandu chupe arakaʼépa ikatu reho jey hendápe pehesaʼỹijo hag̃ua ambue porandu.

Ñemañaha Abril-junio

“Koʼág̃a rupi hetaiterei mbaʼe ojeʼe pe Armagedón rehe, ¿ndépa mbaʼe ere, ikatúnepa yvypóra ojoko upéva? [Ehaʼarõ tombohovái.] Tahechaukamína ndéve moõguipa oñeguenohẽ pe ñeʼẽ Armagedón [elee Revelación 16:16 ha upéi ehechauka chupe umi porandu oĩva rrevísta apére]. Ko rrevísta ombohováita ndéve koʼã porandu la Biblia rupive.”

¡Despertad! Abril

“Koʼág̃a rupi oĩ heta família iprovlémava, koʼýte umi orekóva taʼýra térã tajýra anga, ¿rehechakuaápa avei upéva? [Ehaʼarõ tombohovái.] Tahechaukamína ndéve moõpa ikatu jatopa konsého iporãva ha ikatúva ñanepytyvõ [elee Salmo 119:105]. Ko rrevísta ohechauka mbaʼéichapa la Biblia oipytyvõma heta famíliape.”