Mbaʼéicha javépa iporãta avei ñahendúramo umi kántiko

Ñandejára rembiguaikuérape g̃uarã ningo pe músika peteĩ jopói iporãitereíva (Sant. 1:17). Upévare heta kongregasiónpe ojedesidi oñemoĩ mbeguemi umi kántiko oñepyrũ mboyve ha opa rire umi rreunión. Ñag̃uahẽvo Salónpe ha ñahendu umi musikapu rory asy, ñandepyʼaguapy ha ñanepytyvõ japreparáma hag̃ua ñane korasõ ñañepyrũ mboyve ñamombaʼeguasu Jehovápe. Avei, ñahendu memévo umi purahéi pyahu ñanepytyvõta jajepokuaave hag̃ua hese ha japurahéi porãvéta. Igustove voi ningo ñañemongeta ha ñañomokyreʼỹ, ñahendúrõ mbeguemi umi kántiko opa rire káda rreunión. Umi ansiáno ohechavaʼerã toñemoĩ pe gravasión Cantemos a Jehová (acompañamiento de piano) oñepyrũ mboyve ha opa rire umi rreunión. Péro oñatendevaʼerã avei toñemoĩ mbeguemínte, ani ág̃a ermanokuéra ndaikatúi ni oñemongeta oñembopu hatãiterei rupi.