Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de febrero

“Koʼág̃a rupi umi provlemaita oĩva ombohasa asy familiakuérape. Péro ndépa mbaʼe repensa, moõpa ikatu jatopa umi konsého ñanepytyvõtava javyʼa hag̃ua ñane família ndive?” Ehaʼarõ tombohovái, upéi ehesaʼỹijo hendive peteĩ porandu oĩva Ñemañaha enero-marzo páhina 16 ha 17-pe, ha elee chupe peteĩ téysto oĩva upépe. Upe rire eikuaveʼẽ chupe umi rrevísta ha eporandu chupe arakaʼépa ikatu reho jey hendápe pehesaʼỹijo hag̃ua ambue porandu.

Ñemañaha Enero-marzo

“La Biblia heʼi porã Ñandejára haʼeha mborayhu. Ikatúne piko upéicharõ Ñandejára ndaijaʼéi peteĩ tapicháre térã ambue mbaʼére? Ndépa mbaʼe repensa, ohayhúpa Ñandejára opavavépe, hembiapo porã térã hembiapo vaíramo jepe? [Ehaʼarõ tombohovái ha upéi elee Eclesiastés 3:1, 8.] Mbaʼéicha piko Ñandejára ñanderayhúva ndaijaʼemoʼãi peteĩ mbaʼére? Ko rrevísta omyesakã upéva.” Ehechauka chupe pe artíkulo oĩva páhina 24-pe.

¡Despertad! Febrero

“Koʼág̃a rupi umi hénte oiporu meme Internet oñekomunika hag̃ua hapichándi. Péro, ikatúnepa ñanembyai ko mbaʼe pyahu? [Ehaʼarõ tombohovái.] La Bíbliape oĩ heta konsého ikatúva ñanepytyvõ ani hag̃ua ñanembyai koʼã mbaʼe. [Eiporavo peteĩ porandu ha peteĩ téysto oĩva páhina 6-9-pe.] Ko rrevísta nepytyvõta rehechakuaa hag̃ua mbaʼérepa ipeligróso jepi ñañemongeta ñande rapichándi Internet rupive ha mbaʼéichapa ikatu jajehekýi umívagui.”