Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de febrero

“Heta hénte opensa Satanás káusare oikoha hetaiterei mbaʼe vai ko múndope, upévare oikuaase moõguipa osẽ térãpa Ñandejára voi ojapo rakaʼe chupe. Péro, ¿ndépa mbaʼe repensa? [Ehaʼarõ tombohovái.] Ehechauka chupe rrevísta Ñemañaha 1 de febrero, ehesaʼỹijo hendive pe primer porandu oĩva pe artíkulo jatopáva pe rrevísta atukupépe, ha elee avei peteĩ téxto vívliko oĩva upépe. Upe rire eikuaveʼẽ umi rrevísta ha ere chupe reho jeytaha rehesaʼỹijo hag̃ua hendive pe ótro porandu.

Ñemañaha 1 de febrero

“Heta rrelihiónpe oñemombaʼeterei Moiséspe, umíva apytépe umi kristiáno, musulmán ha judío. Ha nde, ¿mbaʼépa repensa hese? [Ehaʼarõ tombohovái.] Moisés ojavyvaʼekue avei, upéicharõ jepe la Bíbliape oñeñeʼẽ porã hese [elee Deuteronomio 34:10-12]. Ko rrevísta ohechauka mbaʼéichapa haʼe ojerovia, hekomirĩ ha oporohayhuvaʼekue, avei omombeʼu mbaʼéichapa ikatu jasegi iñehémplo.”

¡Despertad! Febrero

“Koʼág̃a rupi heta hénte oho ótro tetãme oheka itravahorã oiko porãve hag̃ua. Ndépa mbaʼe repensa, ¿oiko porãvépa hikuái upérupi? [Ehaʼarõ tombohovái.] Ko mbaʼe ymaite guivéma voi oiko ha upéva ohechauka pe primer lívro oĩva la Bíbliape [elee Génesis 46:5, 6]. Ko rrevísta ombohováita ndéve koʼã porandu.” Ehechauka chupe umi porandu oĩva opakuévo páhina 6.