Mbaʼéichapa ikatu ñaikuaveʼẽ ñande rrevistakuéra

Ñemañaha Enero-Marzo

“Ndépa mbaʼe ere, ijetuʼúnepa peteĩ sýpe g̃uarã omongakuaa haʼeño imemby? [Ehaʼarõ tombohovái.] Ñandejára Ñeʼẽ la Biblia heʼi tekotevẽha ñanembaʼerechakuaa umi ohasa asývandi [elee Salmo 41:1]. Ko artíkulo ohechauka porã mbaʼéichapa ikatu ñaipytyvõ umi sy omongakuaávape haʼeño imemby.” Ehechauka chupe páhina 29.

¡Despertad! Marzo

Rejotopáramo peteĩ mitãrusúndi, ehechauka pe artíkulo oĩva páhina 26-pe. Relee rire pe subtítulo ha umi mbaʼe oĩva upe rire, reporandukuaa chupe: “Ndépa ere siertoha térã japu koʼápe heʼíva? [Ehaʼarõ tombohovái. Upéi elee 2 Corintios 7:1.] Koʼápe omombeʼu mbaʼépa oiko umi opitávare, ha mbaʼéichapa ikatu opoi chugui”.

Ñemañaha Enero-Marzo

“Heta hénte oimoʼã Ñandejára ndojepyʼapyiha ñanderehe jahasa asy ha jajepyʼapy jave. Mbaʼépa nde repensa? [Ehaʼarõ tombohovái. Upéi elee Salmo 34:18.] Ko artíkulo ohechauka mbaʼéichapa Ñandejára ñanepytyvõ jagueropuʼaka hag̃ua umi mbaʼe ñandejopýva, ñanembaʼembyasy, térã ñaimoʼãramo ndajavaleiha mbaʼeverã.” Ehechauka chupe páhina 19.

¡Despertad! Abril

“Ajépa ijetuʼu ha ñambyasyeterei omanóramo peteĩ jahayhúva? [Ehaʼarõ tombohovái.] Upéicha jave ningo hetápe oipytyvõ koʼápe heʼíva [elee Salmo 55:22]. Ko rrevísta ohechaukahína mbaʼépa jajapovaʼerã jagueropuʼaka hag̃ua ñanembaʼembyasy, ha ikatuha ñamombeʼupaite Ñandejárape ñane remiandu.”