Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de agosto

“Enterovénte ningo ñañemboʼe Ñandejárape, ha umi ndojeroviáiva Hese jepe oñemboʼe chupe ojejopy vai jave. Mbaʼépa nde ere, ¿ohendúpa Ñandejára opaichagua ñemboʼe?” [Ehaʼarõ tombohovái.] Ehechauka chupe pe última páhina oĩva rrevísta Ñemañaha 1 de agóstope, ehesaʼỹijo hendive pe primer porandu ha elee avei peteĩ térã mokõi téxto vívliko oĩva upépe. Upéi eikuaveʼẽ umi rrevísta ha ere chupe reho jeytaha rehesaʼỹijo hag̃ua hendive pe ótro porandu.

Nóta: Ko demostrasión ojejapo vaʼerã 3 de agosto pe aty ojejapóvape oñesẽ hag̃ua ojepredika.

Ñemañaha 1 de agosto

“Heta héntepe oipyʼapy pe pornografía ojagarrapaite rupi opárupi, péro oĩ opensáva ndaivairiha ha heʼi voi peteĩ diversionteha. Ha nde, ¿mbaʼépa repensa upévare? [Ehaʼarõ tombohovái.] Jesús heʼi vaʼekue jaikuaa hag̃ua peteĩ mbaʼe iporã térãpa ivai jahecha vaʼerãha mbaʼépa ojapo ñanderehe [elee Mateo 7:17]. Ko rrevísta omombeʼu mbaʼéichapa ñandeperhudika pe pornografía, ha ohechauka avei mbaʼépa ikatu ojapo umi ohejaséva upe vísio vaiete.”

¡Despertad! Agosto

“Enterovénte ningo jaikove arese. Mbaʼépa nde repensa, ¿ikatúnepa umi sientífiko ojapo peteĩ mbaʼe ñanepytyvõtava jaikove hag̃ua opa árare? [Ehaʼarõ tombohovái.] Emañamína ko promésa porãitére [elee 1 Corintios 15:26]. Péro, ¿mbaʼéichapa okumplíta Ñandejára ko téxtope heʼíva? ¿Oiporútapa umi sientífiko ojapóva térã ambue mbaʼe? Térã, ¿mbaʼérepa ñandetuja ha ñamano? Ko rrevísta ombohováita ndéve koʼã porandu la Biblia rupive.”