Mbaʼéichapa ikatu ñaipytyvõ umi ndoleeporãivape

1. ¿Mbaʼérepa sapyʼánte ijetuʼu ñamboʼe hag̃ua umi héntepe?

¹ Oĩ ningo heta hénte oaprendeséva Ñandejáragui, péro ndahaʼéi la oleekuaaitereíva, upéicha rupi ohecha jave la Biblia térã ótro lívro ikangypaitéma voi. Upévare ñepyrũrã nokonvenimoʼãi ñaikuaveʼẽ chupekuéra pe lívro Mbaʼépa omboʼe la Biblia? ¿Mbaʼéichapa upéicharõ ikatu ñaipytyvõ koʼãichagua héntepe? Oñeporandu umi puvlikadór ikatupyrývape, oĩva mas de 20 tetãme mbaʼépa ikatu jajapo koʼã situasiónpe. Ha jahechamíta mbaʼépa heʼi hikuái.

2. ¿Mbaʼe puvlikasiónpa ikatu jaiporu ñaipytyvõ hag̃ua umi ndoleeporãivape?

² Ñane estudiánte ndoleeporãi térã ndoleekuaáiramo, ikatu ñepyrũrã jaiporu pe folléto Ehendúkena Ñandejárape térã Ehendúkena Ñandejárape ha reikovéta opa árare. Peteĩ prekursór oikóva Estados Unídospe, otopárõ peichagua persónare ohechauka umi mokõi folléto ha oporandu chupe mávapa oipotave. Pe sukursál oĩva Kéniape omombeʼu avei koʼã puvlikasión ideprovechoitereiha chupekuéra, ¿mbaʼérepa? Umi hénte oikóva Áfricape ndojepokuaái rupi ombohovái umi porandu ojelee rire párrafo por párrafo, upéva rangue ojepokuaave oaprende la Bíbliagui umi taʼanga rupive. Peteĩ persóna ijestúdio porãvape ndahasýi olee umi párrafo ha ombohovái umi porandu, péro umi persóna ijestudioʼívape oforsa upéva. Heta puvlikadór ohechakuaárõ iñestudiánte vai vai jepe oleeha, oipuru pe folléto ¡Notísia porã oúva Ñandejáragui!, Ikatu oiko ñandehegui Ñandejára amígo térã pe lívro Istória oĩva Ñandejára Ñeʼẽme.

3. ¿Mbaʼérehepa ñanemanduʼa vaʼerã ñaipytyvõ porãve hag̃ua umi ndoleekuaáivape?

³ Ñamokyreʼỹkena chupekuéra. Ñanemanduʼa vaʼerã umi ndoleekuaáiva ikatuha otĩ térã opensa ndovaleiha mbaʼeverã, upévare ñaipytyvõ vaʼerã chupekuéra oñeñandu porã hag̃ua pe estúdio aja, upéicharõmante oaprendeséta la Bíbliagui. Heta persóna ndoleekuaáiva iñakã porã ha pyaʼe oaprende, upévare arakaʼeve ndajaapoʼíri vaʼerã umi estudiánte ndoleekuaáivape, upéva rangue jatrata porã ha jarrespeta vaʼerã chupekuéra (1 Ped. 3:15). Ohechakuaáramo hikuái noñehaʼãreiriha ha oaprendemaha heta mbaʼe, osegiséta ostudia la Biblia. Upéicha rupi tekotevẽterei pyʼỹi jaguerohory chupekuéra umi mbaʼe ohupytýmavare.

4. ¿Mbaʼéichapa ikatu ñaipytyvõ umi ndoleeporãivape ojeprepara hag̃ua pe estudiorã?

⁴ Ñane estudiántepe ijetuʼúramo jepe olee hag̃ua, lomímonte ñamokyreʼỹ vaʼerã chupe tojeprepara pe estudiorã. Heta puvlikadór oikóva Sudáfricape omokyreʼỹ iñestudiántepe ojerure hag̃ua peteĩ ihénte térã iñamígo olee porãvape toipytyvõ chupe. Peteĩ puvlikadór oikóva Gran Bretáñape, oipuruka jepi ilívro iñestudiántepe olee hag̃ua umi párrafo, péicha oipytyvõ chupe ohechakuaa hag̃ua iñimportanteha káda párrafope osuvraja umi rrespuésta. Peteĩ ermáno oikóva Índiape, ojerure jepi iñestudiántepe omaña hag̃ua pe leksión ostudiátavare pe semána oúvape ha ojepyʼamongeta hag̃ua umi taʼangáre, péicha oipytyvõ chupe oĩma hag̃ua preparádo pe estudiorã.

5. ¿Mbaʼéichapa ñakondusi vaʼerã pe estúdio jahechauka hag̃ua ñanepasiensiaha?

⁵ Ñanepasiénsiakena. Ñamyesakã vaʼerã umi párte iñimportantevéva oĩva pe puvlikasiónpe ha ñaipytyvõ ñane estudiántepe tontende porã umíva. Ñepyrũrã iporãvéta jastudia 10 térã 15 minútonte, ha okonvenivéta jastudia mbykymínte, ñahesaʼỹijo rangue pyaʼe pyaʼe heta párrafo. Oiméramo ñane estudiánte olee mbeguekatueterei, lomímonte ñanepasiénsia vaʼerã hese. Ág̃a ohayhuvévo Jehovápe, ohechakuaáta tekotevẽha oleekuaa ikatu hag̃uáicha oaprendeve chugui, ha upéva omomýita chupe oñehaʼãve hag̃ua. Tekotevẽ avei jastudia ypy guive ñainvita chupe oho hag̃ua rreunionhápe, upéicharõmante ohayhuvéta ohóvo ñande Apoharépe.

6. ¿Mbaʼéichapa ikatu ñaipytyvõ ñane estudiántepe oleekuaa hag̃ua?

⁶ Peteĩ estudiánte oprogresa pyaʼeve hag̃ua tekotevẽ olee porã (Sal. 1:1-3). Upéicha rupi, káda estúdio rire heta maranduhára ohesaʼỹijo mbykymi pe folléto Eñehaʼã elee ha ehaikuaa. Ñane estudiánte oúramo oñedesanima, ikatu ikyreʼỹ jey ñamombeʼúramo chupe umi mbaʼe oaprendémava ojapo. Jaʼe vaʼerã avei Jehová ovendesitaha chupe noñentregáiramo, ha ñamokyreʼỹ chupe toñemboʼe meme (Prov. 16:3; 1 Juan 5:14, 15). Heta puvlikadór oikóva Gran Bretáñape, omokyreʼỹ iñestudiántepe omoĩ hag̃ua umi méta ikatútava ohupyty, por ehémplo ñepyrũrã heʼi chupe oaprende hag̃ua de memória pe avesedário, upéi ohekakuaa hag̃ua umi téxto ha tolee, ha ipahápe olee hag̃ua umi puvlikasión ndahasýiva oñentende. Iñimportánte ningo ñamboʼe ñane estudiántepe oleekuaa hag̃ua, péro tekotevẽ avei ñaipytyvõ chupe haʼe voi oaprendese hag̃ua.

7. ¿Mbaʼérepa iñimportánte ñamboʼe avei la Biblia umi ndoleeporãivape?

⁷ Jehová ningo nomboykéi umi hénte ijestudioʼívape (Job 34:19). Haʼe ohecha mbaʼépa oĩ ipyʼapypekuéra (1 Crón. 28:9). Upévare ñañehaʼãmbaite vaʼerã ñamboʼe pe añetegua umi persóna ndoleeporãivape. Jareko ningo heta puvlikasión ikatúva ñanepytyvõ upearã, ha mbeguekatúpe ikatu hína jaipuru pe lívro Mbaʼépa omboʼe la Bíblia?, ikatu hag̃uáicha oaprendeve hikuái Ñandejára Ñeʼẽgui.