Mbaʼéichapa ikatu ñamboʼe umi ndoleeporãivape?
1. Mbaʼeichagua tapichápa jatopa jepi japredika jave?
1 Sapyʼánte japredika jave, jatopa jepi umi oikuaasevéva Ñandejáragui péro ndoleeporãiva. Ñande ikatuñaína ñaipytyvõ chupekuéra.
2. Mbaʼérepa ndajaʼapoʼirivaʼerã avavépe ndoleeporãi haguére, ha mbaʼéichapa jahechauka ndajajaposeiha upéva?
2 Aníkena jaʼapoʼítei chupekuéra. Jehová ningo omaña mbaʼépa oĩ ñande rapicha korasõme, nomañái ijestúdio porãpa térãpa nahániri (1 Sam. 16:7; Pro. 21:2). Ñande jajapovaʼerã avei Jehová ojapoháicha, ha ani jaʼapoʼítei avavépe ndoleeporãi haguére. Ha ñanemanduʼavaʼerã ñande rapichakuéra ñanerendu porãvetaha jarrespetáramo chupekuéra ha ñanepasiénsiaramo hesekuéra (1 Ped. 3:15). Upévare, ñepyrũrã natekotevẽi jajerure chupekuéra olee hag̃ua peteĩ téysto térã peteĩ párrafo. Ág̃a oikuaavévo ohóvo umi mbaʼe porã oĩva la Bíbliape, ikatu haʼete voi oñehaʼã olee porãve. Ha péicha ikatúta oikumby porã Ñandejára Ñeʼẽ ‘ojepyʼamongetávo hese ára ha pyhare’ (Sal. 1:2, 3).
3. Mbaʼéichapa ikatu ñamboʼe umi ndoleeporãivape?
3 Mbaʼéichapa ikatu ñamboʼe chupekuéra. Ñaipytyvõkuaa chupekuéra umi taʼanga rupive. Péicha ikatúta imanduʼa porãve umi mbaʼe jahechavaʼekuére. Ñepyrurã ikatu jahechauka chupekuéra peteĩ taʼanga ha jajerure teʼi ñandéve mbaʼépa ohecha upépe. Upéi ñaporandukuaa upe jaipotáva ontende porã. Ha upe rire jalee umi téysto oñeʼẽva upe témare. Umi taʼanga ñanepytyvõta avei ñamomanduʼa jey hag̃ua chupekuéra umi mbaʼe jastudiavaʼekue. Ñañatende porãkena ko mbaʼére: saʼi saʼípente jahavaʼerã hese. Iporã ñañeʼẽ pe témare ha umi mbaʼe iñimportantevévare. Anínte jahekave informasión noĩriva pe folléto, lívro téra rrevísta jaiporúvape jastudia hag̃ua hendivekuéra. Jaleevaʼerã umi téysto Bíbliagui voi ha ñaporandu jepi chupekuéra, jahecha hag̃ua ontendepahína pe ñamboʼeséva. Upéicha jajapóramo, ikatu haʼekuéra voi oñehaʼã olee porãve ha oikuaave ohóvo hetave mbaʼe la Bíbliape oĩva.
4. Mbaʼéichapa ikatu ñaipytyvõ ñande rapichápe olee porãve hag̃ua?
4 Olee porãve hag̃ua hikuái. Peteĩ ñande rapicha ndoleeporãiramo, térã ndoleesyryrýiramo, upéva ndeʼiséi nontendemoʼãiha peteĩ mbaʼe ha naimanduʼamoʼãiha hese. Upévare, ñamokyreʼỹkena chupekuéra ohendu hag̃ua umi gravasión jarekóva. Pór ehémplo La Atalaya, ¡Despertad!, Mbaʼépa ojerure Ñandejára ñandehegui ha ambue puvlikasión. Ikatu voi olee ha orrepeti irrevísta térã ifollétogui ohendukuévo, upéicharõ pyaʼeve olee porãvéta. Jaiporukuaa avei pe folléto Aplícate a la lectura y a la escritura ñaipytyvõvo chupekuéra olee porãve hag̃ua. Oĩ kongregasión umi ansiáno ohechahápe ojejapo hag̃ua kúrso de lektúra. Ndépa ere ñanepytyvõtaha koʼã mbaʼe? Katuete ningo koʼã mbaʼe ñanembokatupyryvéta ñaipytyvõ hag̃ua umi ndoleeporãivape. Ha upéicha ontende hag̃ua hikuái “Ñandejára Ñeʼẽ” ombokatupyrýtava chupekuéra ojesalva hag̃ua (2 Tim. 3:15).