Ñaipytyvõkena umi isiégovape oaprende hag̃ua Jehovágui

1. ¿Mbaʼéichapa Jesús ohechauka vaʼekue ojepyʼapyha umi isiégovare?

¹ Ofaltárõ guare unos kuánto díante Jesús omano hag̃ua, osẽmíre siuda de Jericógui, mokõi kuimbaʼe isiégova ojerure asy chupe: “¡David Raʼy, oreporiahuverekomína!”. Jesús oiméne ojepyʼapy raʼe umi mbaʼe ohasátavare, upéicharõ jepe opyta, ohenói umi kuimbaʼépe ha omonguera chupekuéra (Mat. 20:29-34). ¿Mbaʼéichapa ikatu jasegi Jesús ehémplo ha jahechauka jajepyʼapyha umi isiégovare?

2. a) ¿Mbaʼépa ikatu jajapo jatopa jave peteĩ isiégovare? b) ¿Mbaʼépa jareko vaʼerã en kuénta ñaipytyvõta jave peteĩ isiégovape?

² Ñaipytyvõkena chupekuéra. Ñanemanduʼa vaʼerã heta hénte ojaprovechaseha jepi umi isiégovare, upévare ñepyrũrã haʼekuéra ikatu okyhyje lénto ñandehegui. Upéicha rupi, jatopáramo peteĩ persóna isiégovare, tahaʼe kállepe térã ótro lugárpe, ñanderory vaʼerã , ñamombeʼu chupe ñande réra ha ñaipytyvõ chupe oikotevẽramo ajúda, tahaʼe okrusa hag̃ua kálle téra ogueraha hag̃ua ikárga. Upéicha ifasilvéta chupe okonfia hag̃ua ñanderehe. Upe rire, ikatu ñamombeʼu chupe ñaipytyvõha la héntepe oaprende hag̃ua la Bíbliagui ha jalee chupe Salmo 146:8 térã Isaías 35:5, 6. Orekóramo Internet, ñaipytyvõkuaa avei chupe omboguejy hag̃ua jw.org-gui umi puvlikasión ohendu hag̃ua. Ha oleekuaárõ vráilepe, jaofresekuaa chupe puvlikasión ikatu vaʼerãichagua olee. Ñanemanduʼa vaʼerã avei oĩha umi siégo ndohechaietéva voi mbaʼeve ha avei umi ohecha vai vaíva hesakã porãvehápe. Jarekóramo en kuénta upéva, jaikuaáta mbaʼéichapa ikatu ñaipytyvõ porãve káda únope. (Ehecha pe rrekuádro oĩva ko páhinape.)

3. ¿Mbaʼéichapa ikatu jatopa umi isiégovare ñande territóriope?

³ Mbaʼéichapa ikatu jatopa umi isiégovare. Umi isiégova ningo okyhyje lénto jepi oñeʼẽ hag̃ua extráñondi, upévare hasy jatopa hag̃ua hesekuéra japredika jave ogahárupi. Péro ñañehaʼãmbaitéramo, ikatu hína ñamog̃uahẽ chupekuéra pe mensáhe oĩva la Bíbliape (Mat. 10:11). Ñande travahohápe térã ñande koléhiope oĩramo peteĩ isiégova, jaaprovecha vaʼerã japredika hag̃ua chupe. Ha ñane kongregasión territóriope oĩramo eskuéla umi isiégovape g̃uarã, ñaporandukuaa pe direktórpe ndoipotáipa jaraha chupe puvlikasión vráilepe omoĩ hag̃ua vivliotékape. ¿Jaikuaápa peteĩ persóna orekóva ihénte isiégova? ¿Oĩpa ñande territóriope peteĩ organisasión oipytyvõva umi siégope térã peteĩ lugár oñeñatendeha hesekuéra? Koʼãichagua lugárpe jatopáramo peteĩ isiégova, ñañemongeta vaʼerã ihentekuérandi térã umi oñatendévandi hesekuéra. Jaʼekuaa chupekuéra ñande testígo de Jehová ñaipytyvõseha umi isiégovape oaprende hag̃ua Ñandejáragui. Ha upearã jarekoha puvlikasión oĩva vráilepe ha avei umi puvlikasión ojegrava vaʼekue oñehendu hag̃ua. Ikatu avei jaipuru la Biblia jahechauka hag̃ua chupekuéra Ñandejára koʼẽrõitéma omonguerataha umi ohechaʼỹvape. Jahechaukakuaa avei chupekuéra pe vidéo omombeʼúva mbaʼéichapa pe Biblia oĩva vráilepe tuichaiterei oipytyvõ peteĩ ermánope. Upe vidéo héra “No sé qué haría sin ella”, ha oĩ ñande sítio jw.org-pe. Jaexplika porãramo chupekuéra maʼerãpa jaha, jarekovéta oportunida ñañemongeta hag̃ua umi isiégovandi.

4. ¿Mbaʼépa ikatu ñaaprende Janet ehémplogui?

⁴ Peteĩ ermána isiégava, hérava Janet, ovisita peteĩ lugár oikohápe umi isiégova, ha upépe oñeʼẽ peteĩ mitãkuñándi. Janet heʼi chupe: “Jesús oĩrõ guare ko yvy ape ári omonguera vaʼekue umi ohechaʼỹvape, péicha ohechauka mbaʼépa ojapóta amo gotyove umi isiégova rehehápe”. Ko ermána oñeʼẽ avei chupe Apocalipsis 21:3, 4 heʼívare ha oexplika chupe umi promésa oñekumplitaha Ñandejára Rréino poguýpe. Pe mitãkuña tuicha ipyʼaguapy ha heʼi: “Primera ves ahendu peteĩ persóna ndohecháiva orekoha peichagua esperánsa, la hénte ningo siémpre heʼi umi isiégova oĩha péicha ojapo haguére álgo ivaíva térã ituakuéra ofalla haguére”. Upe rire Janet omondo chupe korréo elektróniko rupive pe lívro ¿Mbaʼépa omboʼe la Biblia? ha koʼág̃a ostudia hikuái la Biblia dos vése por semána.

5. ¿Mbaʼe iporãvapa ohupytýta umi isiégova jahechaukáramo jajepyʼapyha hesekuéra?

⁵ Ñande ningo ndaikatúi ñamonguera umi isiégovape Jesús ojapo haguéicha. Péro ikatu ñaipytyvõ entéro persónape, tahaʼe umi ohecháva térã ohechaʼỹvape, oaprende hag̃ua pe añetegua Ñandejáragui. Upéva iñimportanteterei jaikuaágui Satanás orekoha pytũmbýpe umi héntepe (2 Cor. 4:4). Jesús omonguera kuri umi mokõi kuimbaʼe isiégovape pórke “oiporiahuverekoiterei chupekuéra” (Mat. 20:34). Ñande avei jahechaukáta jajepyʼapyha koʼã persónare ñaipytyvõramo chupekuéra oaprende hag̃ua Jehovágui, ha oikuaa hag̃ua haʼe koʼẽrõitéma omonguerataha chupekuéra ha ikatutaha avei oikove hikuái opa árare.