Eñembokatupyryvékena: Japredika umi isiégovape

MBAʼÉREPA IÑIMPORTÁNTE: Umi persóna isiégova noñeanimái jepi oñeʼẽ hag̃ua peteĩ extráñondi. Upévare jajapo vaʼerã la tekotevẽva guive japredika hag̃ua chupekuéra. Jehová ohechauka ojepyʼapyha umi isiégovare (Le 19:14). Ñande ikatu jasegi iñehémplo ha jahecha mbaʼéichapa ikatu ñaipytyvõ umi isiégovape oñemoag̃ui hag̃ua Jehováre.

MBAʼÉICHAPA IKATU REJAPO:

• Eheka chupekuéra (Mt 10:11). ¿Eikuaápa peteĩ persóna orekóva ihénte isiégova? ¿Oĩpa nde territóriope eskuéla, asílo térã ótra organisasión oipotátava umi puvlikasión isiégovape g̃uarã?

• Ehechauka eñeinteresaha. Neamávlerõ ha rehechauka reñeinteresaha peteĩ persóna isiégovare, haʼe oñeñandu porãvéta oñeʼẽ hag̃ua nendive. Eñehaʼã eñemongeta hendive peteĩ téma ointeresátavare chupe.

• Eipytyvõ chupekuéra okonsegi hag̃ua puvlikasión. Jehová organisasión oprepara puvlikasión heta formátope oipytyvõ hag̃ua umi isiégovape térã umi ndohechaporãivape. Eporandu chupekuéra mbaʼeichagua puvlikasiónpa oipota ostudia hag̃ua. Pe superintendénte de servísio ojasegura vaʼerã pe siérvo de puvlikasión oanota porãpa hína la ojerure hag̃ua pe puvlikasión oipotáva pe isiégova.