Eñembokatupyryvékena: eipytyvõ ne estudiántepe ostudiakuaa hag̃ua
Mbaʼérepa iñimportánte. Umi estudiánte ojerovia mbarete hag̃ua Jehováre, ndahaʼéi vaʼerã oikuaánteva umi mbaʼe iñimportantevéva oĩva la Bíbliape, síno oikuaa porãve vaʼerã Jehovápe ha ohayhu vaʼerã chupe ipyʼaite guive (Heb. 5:12–6:1). Ha upearã tekotevẽ ostudia porã ha ontende mbaʼéichapa umi mbaʼe oaprende pyahúva oho umi mbaʼe oikuaámavare voi ha mbaʼéichapa ikatu omoĩ en práktika (Prov. 2:1-6). Ikatu hag̃uáicha ñane estudiánte oikuaa mbaʼéichapa la Biblia okontesta umi mbaʼe oikuaaséva, ñaipytyvõ vaʼerã chupe oikuaa hag̃ua mbaʼéichapa oinvestiga vaʼerã. Oñehaʼãramo ojapo umi mbaʼe oaprendéva, imbaretevéta oaguanta hag̃ua umi pruéva oñepresentáva (Luc. 6:47, 48).
Taréa ko méspe g̃uarã:
Pehasáta jave ótro subtítulo térã ótro kapítulope, ejerure ne estudiántepe tomombeʼu mbykymi pe oaprende vaʼekue. Oimérõ koʼag̃aite ndereguerekói peteĩ estúdio, ikatu relee peteĩ téxto térã peteĩ párrafo oĩva Ñemañahápe ha rehecha mbaʼépa ikatu reaprende chugui. Upéva nepytyvõta rentende porãve hag̃ua upe restudiáva.