Eñembokatupyryvékena: einvita umi héntepe oho hag̃ua rreunionhápe

MBAʼÉREPA IÑIMPORTÁNTE: Umi rreuniónpe ningo jareko oportunida japurahéi ha ñamombaʼeguasu hag̃ua Jehovápe (Sl 149:1). Upépe ñaaprende avei mbaʼépa Ñandejára volunta ha mbaʼéichapa ikatu ñakumpli upéva (Sl 143:10). Umi estudiánte ha umi persóna oaprendeséva Ñandejáragui, pyaʼeve oprogresa ohóramo rreunionhápe.

MBAʼÉICHAPA IKATU REJAPO:

• Evisita ypy guive umi héntepe, einvita chupekuéra oho hag̃ua rreunionhápe. Natekotevẽi rehaʼarõ ostudia raẽ la Biblia rejapo hag̃ua upéva (Apc 22:17).

• 

  Reinvita jave peteĩ persónape, emombeʼu vaʼerã chupe mbaʼéichapa umi rreunión ha mbaʼépa oñeanalisáta upépe. Koʼã mbaʼe ikatu nepytyvõ upearã: pe invitasión rreunionrã, pe vidéo ¿Mbaʼéichapa rojapo ore rreunionkuéra?, ha pe folléto ¿Mávapa umi ojapóva Jehová rembipota koʼág̃arupi? leksión 5 ha 7.

• 

  Eipytyvõ chupe tekotevẽhápe. Por ehémplo, ikatu regueraha térã remoirũ chupe peho hag̃ua Salónpe. Ojeruréramo ndéve, ikatu avei reipytyvõ chupe olehi hag̃ua mbaʼe aópa oraháta. Rreunionhápe katu, ikatu reguapy ijykére ha reipuru hendive ne puvlikasionkuéra. Epresenta ermanokuérape oikuaa hag̃ua chupe hikuái.