ÑAMBOʼE PORÃVE HAG̃UA | EVYʼAVE EPOROMBOʼÉVO
Ñaipytyvõ ñane estudiantekuérape ojedesidi hag̃ua oho rreunionhápe
Umi rreunión ningo iñimportanteterei jaadora hag̃ua Jehovápe haʼe oipotaháicha (Sl 22:22). Enterove umi oñepyrũva oadora Jehovápe ovyʼa ha orresivi heta vendisión (Sl 65:4). Umi estudiánte de la Biblia oprogresa pyaʼeve jepi oĩ memérõ ñanendive rreunionhápe.
¿Mbaʼéichapa ikatu reipytyvõ ne estudiántepe oho hag̃ua rreunionhápe? Siémprekena einvita chupe rreunionrã. Ikatu reipuru pe vidéo ¿Mbaʼéichapa rojapo ore rreunionkuéra? ha emombeʼu chupe mbaʼéichapa ideprovécho umi rreunión (lff leksión 10). Remombeʼukuaa ne estudiántepe peteĩ mbaʼe reaprende vaʼekue rreunionhápe térã ere chupe mbaʼe mbaʼépa oñeanalisáta hína rreunionhápe. Ikatu remeʼẽ ne estudiántepe umi puvlikasión ojepurútava. Ha avei ehecha vaʼerã mbaʼéichapa ikatu reipytyvõ chupe oho hag̃ua Salónpe. Ne estudiánte nemoirũ vove rreunionhápe por primera ves, nerembyasymoʼãi ni michĩmi la rejapóva reipytyvõ hag̃ua chupe (1Co 14:24, 25).
EHECHA PE VIDÉO ÑAIPYTYVÕ ÑANE ESTUDIANTEKUÉRAPE OJEDESIDI HAG̃UA OHO RREUNIONHÁPE, HA UPÉI ERRESPONDE KOʼÃ PORANDU:
¿Mbaʼe oportunidápa oaprovecha Nilda oinvita hag̃ua rreunionhápe Aramípe?
¿Mbaʼérepa javyʼaite peteĩ estudiánte oñepyrũvo oho rreunionhápe?
“Añetehápe Ñandejára oĩ penendive”
¿Mbaʼéichapa oñeñandu Arami pe primera rreunión oho haguépe?