Jehová ñanemboʼe ani hag̃ua ñamboyke avavépe

Jehová ningo enterovépe otrata peteĩcha (Hch 10:34, 35). Haʼe oasepta umi persóna “oúva opa tetã, trívu ha puévlogui ha oñeʼẽva opaichagua idióma” (Apc 7:9). Upéicha rupi kongregasiónpe nañamboykéi vaʼerã avavetépe ni ndovaléi avei ñamombaʼeve peteĩme ótrogui (Snt 2:1-4). Enterove jaservíva Jehovápe ningo jaiko pyʼaguapýpe oñondivepa ha jahecha mbaʼéichapa heta hénte tuicha okambia (Is 11:6-9). Jahechakuaáramo ñandejehe ñamboyke térã jaapoʼiha hína ñande rapichápe, ñañehaʼãmbaite vaʼerã jaipeʼaite upéva ñandejehegui. Jahecháramo enterovépe peteĩchapa, jasegi hína Jehová ehémplo (Ef 5:1, 2).

EHECHA PE VIDÉO JOHNY HA GIDEON: YMA NDOCHAʼÉI VAʼEKUE OJUEHE HA KOʼÁG̃A OÑOAMIGOITE. UPÉI EKONTESTA KOʼÃ PREGÚNTA:

• ¿Mbaʼérepa jaʼekuaa ndaiporiha ótra institusión ñanemboʼéva Jehová ñanemboʼeháicha ani hag̃ua jaapoʼi ni ñamboyke avavépe?

• ¿Mbaʼérepa nde remombaʼe rehechávo mbaʼéichapa enterove jaservíva Jehovápe jaiko porã oñondivepa oñoermánoicha?

• ¿Mbaʼérepa jaʼekuaa ñande jaservíva Jehovápe ñaiméramo unído ñambotuichaha hína chupe?