¿Ndépa rejerovia Jehová promesakuérare?

Josué ha Salomón heʼi vaʼekue Jehová oprometéva guive katuete oñekumpliha (Jos 23:14; 1Re 8:56). Koʼã mokõi kuimbaʼe ohecha vaʼekue mbaʼéichapa Jehová ojapo upéva, ha upéicha rupi ñande ikatu jajerovia Jehováre ha umi mbaʼe oprometévare ñandéve (2Co 13:1; Tit 1:2).

Reikuaa hag̃ua mbaʼéichapa Josué tiémpope Jehová okumpli vaʼekue umi mbaʼe oprometéva, ehecha nde rogayguándi pe vidéo hérava Ni peteĩ iñeʼẽ ndopytareíri. Upéi perresponde koʼã pregúnta: 1) ¿Mbaʼéichapa ikatu jahechauka jajeroviaha Rahab ojerovia haguéicha? (Heb 11:31; Snt 2:24-26). 2) ¿Mbaʼéichapa Acán ehémplo ohechauka katuete osẽ vaiha umi ojapóva ivaíva oikuaáramo jepe ndovaleiha? 3) ¿Mbaʼérepa umi gabaonita haʼéramo jepe gerréro ombotavy vaʼekue Josuépe ojapo hag̃ua hendivekuéra peteĩ pákto de pas? 4) ¿Mbaʼéichapa Jehová okumpli vaʼekue ipromésa umi cinco rréi amorreo oamenasárõ guare umi israelítape? (Jos 10:5-14). 5) ¿Mbaʼépa ojapo Jehová nderehehápe remotenonde meme rupi iservísio? (Mt 6:33).

Tuichaiterei ñanepytyvõ jajeroviave hag̃ua Jehováre jajepyʼamongetáramo umi mbaʼe haʼe ojapo vaʼekuére yma, umi mbaʼe ojapóvare hína koʼág̃a ha umi mbaʼe ojapótavare koʼẽrõite (Ro 8:31, 32).