JAHECHAUKÁKENA JASERVIHA JEHOVÁPE
Ñañatende porãkena ha ñambaʼapo kyreʼỹ Jehovápe g̃uarã okambiáramo jepe ñane situasión
Heta vése okambiánte voi ñane situasión, ha koʼýte koʼã ára pahápe (1Co 7:31). Umi kámbio ikatu ivai térã iporã, ikatu avei oiko ñahaʼarõʼỹre térã jaikuaáma voi oikotaha. Tahaʼe haʼeháicha, okambia jave ñane situasión ikatu ijetuʼuve ñandéve jasegi hag̃ua jaservi porã Jehovápe ha ñaime hag̃ua ijykére. Péro, ¿mbaʼépa ikatu ñanepytyvõ jasegi hag̃ua ñañatende porã ha ñambaʼapo kyreʼỹ Jehovápe g̃uarã, okambiáramo jepe ñane situasión? Ehecha pe vidéo Ani reheja nde jerovia ikangy okambiáramo ne situasión ha upéi ekontesta koʼã pregúnta:
¿Mbaʼe konséhopa omeʼẽ kuri peteĩ ermáno pe túape?
¿Mbaʼéichapa oipytyvõ raʼe ko famíliape Mateo 7:25 heʼíva?
¿Mbaʼéichapa oplanea raʼe hikuái imudánsa, ha mbaʼéichapa upéva oipytyvõ chupekuéra?
¿Mbaʼépa oipytyvõ raʼe chupekuéra pyaʼe ojepokuaa hag̃ua umi ermánore ha pe territóriore?
¿Mbaʼe kámbio tuichávapa rehasa ramoite?
¿Mbaʼéichapa nepytyvõta ne situasiónpe umi mbaʼe reaprendéva ko vidéope?