Mbaʼéichapa jajapo vaʼerã peteĩ kárta

• Remoĩ vaʼerã ne direksión. Repensáramo naiporãmoʼãiha remoĩ upe informasión, ikatu reporandu umi ansiánope ikatúpa remoĩ pe Salón direksión. Péro NDOVALÉI remoĩ pe sukursál direksión oñerresponde hag̃ua ndéve upépe pe kárta.

• Reikuaáramo pe persóna réra emoĩ vaʼerã la héra pe kártape térã pe sóvrere. Upéicha opilláta upe kárta haʼeha imbaʼerã.

• Siémpre iñimportánte reskrivi porã. Eñatende moõpa oho vaʼerã umi asénto, púnto ha kóma, ha eñatende vaʼerã ani hag̃ua ichaʼĩ térã ikyʼa la nde kárta. Reskrivíramo a máno, eskrivi vaʼerã oñentende porã hag̃uáicha la nde létra. Reskrivi lájare pe kárta ha umi palávra reipurúvare ojekuaa vaʼerã ndahaʼeiha la iserioitereíva, péro ndereskrivíri vaʼerã avei reskrivirõguáicha peteĩ nde sósiope.

Ko kártape ikatúta rehecha entéro umi konsého oñemeʼẽ vaʼekue. Ani rekopia palávra por palávra ko kárta reskrivíta jave peteĩ oikóvape nde territóriope. Reskrivi hag̃ua peteĩ kárta ereko vaʼerã enkuénta pe situasión oĩva ha umi kostúmbre ojerekóva pe lugár reikohápe, ha avei epensa vaʼerã mbaʼépa rehupytyse nde kárta rupive.