¿Reaprovecha porãpa hína pe folléto Ñahesaʼỹijo Ñandejára Ñeʼẽ ára ha ára?

¿Eleépa káda día pe téxto ha pe komentário oĩva pe folléto Ñahesaʼỹijo Ñandejára Ñeʼẽ ára ha árape? Oiméramo nderejapói upéva, ¿ikatúpa reñepyrũ koʼág̃a guive? Heta oĩ oleéva pyharevekue ha péicha ikatu opensa hese ojapo aja hembiapo (Jos 1:8; Sl 119:97). ¿Mbaʼéichapa ikatu reaprovecha porãve umi téxto káda diagua? Elee vaʼerã umi versíkulo oĩva upe téxto mboyve ha avei upe rire, péicha ikatúta rentende porãve. Epensa mbaʼe rreláto bíblicopa ñanemboʼe avei pe prinsípio ojerresaltáva pe téxtope. Upéi ejapo umi mbaʼe reaprende vaʼekue. Jarekóramo enkuénta Ñandejára Ñeʼẽ jadesidíta jave, jahechauka hína upéva ogiaha ñande rekove ha añetehápe ideprovechoha ñandéve (Sl 119:105).

Umi família Betel oĩva ko yvy tuichakuére oanalisa káda pyhareve pe folléto Ñahesaʼỹijo Ñandejára Ñeʼẽ ára ha ára. Umíva apytégui heta oĩ osẽva koʼág̃arupi JW Broadcástingpe pe párte heʼihápe PROGRÁMA ESPIRITUÁL. ¿Arakaʼépa rehecha raʼe peteĩva umíva? Ikatu oime upéva hína hústo la tekotevẽva kuri rehendu. Jahechamína koʼág̃a por ehémplo, mbaʼéichapa ikatu ñanepytyvõ ñaanalisáramo la oiko vaʼekue Lot rehe.

EHECHA PE VIDÉO ANI PEHAYHU PE MÚNDO (1JN 2:15), UPÉI ERRESPONDE KOʼÃ PORANDU:

• ¿Mbaʼe prinsípio bíblicopa oñeanalisa ko adorasión matutínape?

• ¿Mbaʼéichapa pe rreláto oñeʼẽva Lot rehe ñanemboʼe ipeligrosoha jahayhu ko múndo térã umi mbaʼe oĩva pype? (Gé 13:12; 14:12; 19:3, 12, 13, 24-26).

• ¿Mbaʼéichapa jahechauka jahayhuha Jehovápe ha ndahaʼéi ko múndope ni umi mbaʼe oikuaveʼẽva ko múndo?