TESÓRO OĨVA ÑANDEJÁRA ÑEʼẼME | ÉXODO 10, 11
Moisés ha Aarón ipyʼaguasu vaʼekue
Moisés ha Aarón tekotevẽ vaʼekue ipyʼaguasu oñeʼẽ hag̃ua faraón ndive, haʼéva pe persóna iñimportantevéva oĩ vaʼekue ko yvy ape ári upe tiémpope. ¿Péro mbaʼéichapa ikatu vaʼekue oñeʼẽ hikuái hendive? La Biblia heʼi Moisés rehe: “Ojerovia rupi, Moisés osẽ oho Egíptogui, ha ndokyhyjéi pe rréi ipochýramo jepe. Haʼe ipasiénsia ha osegi vaʼekue oaguanta umi situasión ijetuʼúva ohecharamoguáicha Ñandejárape, upe ndaikatúivape jahecha” (Heb 11:27). Moisés ha Aarón ojerovia ha okonfiaiterei vaʼekue Jehováre.
¿Mbaʼéicha javépa tekotevẽta pyʼaguasúpe ñadefende ñande jerovia peteĩ autorida renondépe?