¿Ikatúpa emeʼẽ Jehovápe ne tiémpo ha ne mbaretekue?

Isaías oprofetisa haguéicha, Jehová organisasión pe párte oĩva ko yvýpe okakuaave ohóvo arakaʼeve oikoʼỹ haguéicha (Is 54:2). Upévare oñekotevẽ hetave Salón del Reino, Salón de Asambléa ha sukursál. Oñemopuʼã rire koʼãva, ojejapo vaʼerã chupe mantenimiénto ha ohasávo la tiémpo algúnope ojejapo vaʼerã rremodelasión. Opa koʼã mbaʼe omeʼẽ ñandéve la oportunida ñameʼẽ hag̃ua Jehovápe ñane tiémpo ha ñane mbaretekue. Por ehémplo:

• Ikatu ñaipytyvõ ñande grúpope oñemopotĩta jave pe Salón.

• Ikatu jarresivi kapasitasión jajapo hag̃ua mantenimiénto ñane Salónpe.

• Ikatu ñamyenyhẽ pe Solicitud de voluntario local de diseño y construcción (DC-50), ikatu hag̃uáicha ñaipytyvõ jepi oĩ jave projékto de mantenimiénto térã konstruksión.

• Ikatu ñamyenyhẽ pe Solicitud para el programa de voluntarios (A-19), ikatu hag̃uáicha ñambaʼapo Betélpe una térã hetave semána, térã ñaipytyvõ hag̃ua ótro lokál oñekotevẽhápe ha oĩva ñande sukursál territóriope.

EHECHA PE VIDÉO OĨ PETEĨ PROJÉKTO DE KONSTRUKSIÓN PYAHU (VIDÉO MBYKYVÉVA), UPÉI ERRESPONDE KOʼÃ PORANDU:

• ¿Mbaʼéichapa ojepuruve umi vidéo áño 2014 guive?

• Ikatu hag̃uáicha ojegrava umi vidéo ñaikotevẽva, ¿mbaʼépa oñemopuʼãta ha arakaʼépa oñetermináta?

• ¿Mbaʼéichapa oipytyvõta umi voluntário?

• Ñambaʼaposéramo pe konstruksión ojejapótavape Rámapope, ¿mbaʼérepa ñamyenyhẽ vaʼerã pe solisitu DC-50 ha avei ñaipytyvõ vaʼerã LDC-pe umi traváho ojapóvape pe lugár ñande jaikohárupi?

• ¿Mbaʼe pruévapa oĩ Jehová oipytyvõha hína ko projéktope?

• ¿Mbaʼéichapa ikatu ñaipytyvõ ndaikatumoʼãiramo jepe jaha ko konstruksiónpe?