JAIKO KRISTIÁNO TEÉICHA
Ñaimékena preparádo ñambohovái hag̃ua pe párte finál “umi ára pahápe”
Amáske og̃uahẽ huʼãme ‘umi ára paha’ ñande jaikuaa ivaivetaha ohóvo opa mbaʼe (2Ti 3:1; Mt 24:8). Jehová siervokuérape oñemeʼẽ instruksión itiempoitépe ñanepytyvõtava oikórõ g̃uarã umi desástre naturál térã ótra emerhénsia. Ñaneñeʼẽrendúramo ha jajeprepara koʼág̃ama voi ikatúta jajeprotehe ha ñaĩ porã oiko vove upéva. ¿Mbaʼéicha jajepreparakuaa? Ñamombarete ñane amista Jehovándi ha jasegi umi instruksión oñemeʼẽva (Lu 16:10).
Emombarete ne amista Jehovándi: Ejepokuaa elee la Biblia káda día ha ejapo nde estúdio personál. Etantea epredika de diferénte fórma. Ani ekyhyje oiméramo peteĩ tiémpore ndaikatúi reime ermanokuérandi (Is 30:15). Nemanduʼákena Jehová ha Jesús siémpre oĩha nendive (od 176 párr. 15-17).
Esegi umi instruksión: Jaikuaaháicha jareko vaʼerã pe mochíla de emerhénsia, péro iporã avei káda família oprepara provísta, y, pohã ha ótra kósa. Koʼã mbaʼe ideprovéchota tekotevẽramo jaha jaiko ótro ládo peteĩ tiémpore (Pr 22:3; g17.5-S 4, 6).
EHECHA PE VIDÉO ¿REIMÉPA PREPARÁDO OIKÓRAMO G̃UARÃ PETEĨ DESÁSTRE NATURÁL?, HA UPÉI ERRESPONDE KOʼÃ PORANDU:
¿Mbaʼe ikatu jajapo ñaĩ hag̃ua preparádo espirituálmente oikóramo g̃uarã peteĩ desástre naturál?
¿Mbaʼérepa iñimportánte...
... ñañekomunika porã umi ansianokuérandi?
... japrepara peteĩ mochíla de emerhénsia ha ótra kósa ñaikotevẽtava?
... ñañeʼẽ umi mbaʼe ikatúvare oiko ha avei umi mbaʼe ikatúvare jajapo káda situasiónpe?
¿Mbaʼépa umi mbohapy mbaʼe ikatúva jajapo ñaipytyvõ hag̃ua umi ohasávape peteĩ situasión ijetuʼúvare?
EÑEPORANDUMÍNA: “¿Mbaʼéichapa pe pandémia de coronavirus chepytyvõ ahechakuaa hag̃ua iñimportanteha aime preparádo?”.