¿Reikuaápa la rejapótava oikóramo sarambi nde paíspe?

Hiʼag̃uivévo ohóvo pe fin umi hénte oiko vaipáta, oĩvéta terrorísmo ha gérra (Apc 6:4). Upévare, ¿mbaʼéichapa ikatu jajepreparáma og̃uahẽrõ g̃uarã koʼã situasión ijetuʼuetéva?

• Emombarete ne amista Jehovándi: Eheka umi konsého ha istória oĩva la Bíbliape ikatúva nepytyvõ rejeroviave hag̃ua Jehováre, iñorganisasiónre ha nepytyvõtava reñemoĩ hag̃ua Jehová goviérno ykére añoite (Pr 12:5; jr-S 125, 126 párr. 23, 24). Ani nderesarái reaprovecha vaʼerãha koʼág̃a ereko hag̃ua amígo teete kongregasiónpe (1Pe 4:7, 8).

• Ejasegura erekópa la reikotevẽtava: Eñehaʼã vaʼerã ereko provísta nde rógape ha eplanea mbaʼépa rejapóta reĩ hag̃ua segúro porã oimérõ ndaikatúi resẽ. Ha ekalkuláma vaʼerã mbaʼépa rejapóta oimérõ tekotevẽ eheja nde róga. Nemanduʼáke errevisa vaʼerãha mbaʼéichapa oĩ ne mochíla de emerhénsia ha emoĩ pype guánte, tapavóka, pláta ha umícha. Ekalkula vaʼerã mbaʼéichapa eñekomunikáta umi ansiánondi, ha ejasegura haʼekuéra torekopa la informasión oñekomunika hag̃ua nendive (Is 32:2; g17.5-S 3-7).

Oiko aja pe sarambi esegi eñemboʼe, estudia ha ani reheja umi rreunión (Flp 1:10). Eñehaʼã ani reiko eva ha eva oimérõ natekotevẽi hína (Mt 10:16). Ekomparti umi provísta umi oikotevẽvandi (Ro 12:13).

EHECHA PE VIDÉO ¿REIMÉPA PREPARÁDO OIKÓRAMO G̃UARÃ PETEĨ DESÁSTRE?, HA UPÉI ERRESPONDE KOʼÃ PORANDU:

• ¿Mbaʼéichapa Jehová ñanepytyvõ oiko jave peteĩ desástre?

• ¿Mbaʼe mbaʼépa ikatu jajapo jajeprepara hag̃ua?

• ¿Mbaʼéichapa ikatu ñaipytyvõ umi oĩvape peteĩ lugár oiko haguépe peteĩ desástre?