JAIKO KRISTIÁNO TEÉICHA
Jatrata umi kuña ijedávape ñande syramoguáicha ha umi imitãvape ñane ermanarõguáicha
La Biblia heʼi jatrata vaʼerãha umi kuimbaʼe ha kuña ijedávape ñande túa ha ñande syramoguáicha. Ha umi imitãvévape katu ñane ermáno ha ermanarõguáicha (elee 1 Timoteo 5:1, 2). Umi ermáno kongregasionpegua katu koʼytevéntema otrata porã vaʼerã umi ermánape ha ohechauka vaʼerã orrespetaha chupekuéra.
Enterove umi ermáno siémpre irrespetuóso vaʼerã otrata jave umi ermánandi. Ni mbaʼevéicharõ ndoikói vaʼerã onovillea omakaneaségui térã ojapo álgo hendapeʼỹ oinkomodáva pe ermánape (Job 31:1). Peteĩ ermáno soltéro ndoikomoʼãi onovillea rei peteĩ ermána soltérare ha ontendeka chupe ojegustaha hese péro añetehápe ni nopensáiti omendávo.
Peteĩ ermána oñembojárõ rrespetuósamente umi ansiánore oporandu hag̃ua álgo térã heʼi hag̃ua álgo tekotevẽva oñeñatende, haʼekuéra ojapysaka porã vaʼerã hese. Umi ansiáno koʼýte otrata porã vaʼerã umi ermána ndorekóivape iména oprotehe hag̃ua chupekuéra (Rut 2:8, 9).
EHECHA PE VIDÉO JAHECHAUKÁKENA PE MBORAYHU NÚNKA NDOFALLÁIVA KONGREGASIÓNPE: UMI VIÚDAPE HA UMI ITYREʼỸVAPE, HA UPÉI ERRESPONDE KOʼÃ PORANDU:
¿Mbaʼéichapa pe kongregasión ohechauka pe ermána viúdape ohayhuha chupe?
¿Mbaʼéichapa pe mborayhu ohechaukáva umi ermáno oipytyvõ oñeñeʼẽ porã hag̃ua Jehováre?
¿Mbaʼéichapa pe mborayhu ohechaukáva pe kongregasión oipytyvõ avei pe ermána membykuñanguérape?
¿Mbaʼéichapa ikatu rehechauka rejepyʼapyha umi ermána ne kongregasionpeguáre?