Ñañemboʼe Jehovápe ha jajerure chupe tañanepytyvõ

Jehová hína la omongakuaáva pe añetegua umi hénte korasõme (1Co 3:6-9). Upévare, jaipotáramo ñane estudiánte oprogresa, jajerovia vaʼerã Jehováre pórke haʼe añoite ikatu ñanepytyvõ ñandéve ha ñane estudiántepe.

Ejerure Jehovápe toipytyvõ ne estudiántepe imbarete ha oaguanta hag̃ua umi situasión ijetuʼúva (Flp 1:9, 10). Emombeʼu porã Jehovápe mbaʼéichapa reipota nepytyvõ. Ejerure chupe tomeʼẽ ndéve ijespíritu sánto repensa ha rejapo porã hag̃ua entéro mbaʼe (Lu 11:13). Emboʼe ne estudiántepe mbaʼéichapa oñemboʼe vaʼerã ha emokyreʼỹ chupe ojapo hag̃ua upéva. Eñemboʼe hendive ha hesehápe nemanduʼávo hérare reñemboʼe jave.

EHECHA PE VIDÉO JAVYʼÁKENA JAJAPÓVO DISÍPULO: JAASEPTA JEHOVÁ AJÚDA: PE ÑEMBOʼE, HA UPÉI ERRESPONDE KOʼÃ PORANDU:

• ¿Mbaʼe situasiónpa oñepresenta Níldape ostudia aja Aramíndi?

• ¿Mbaʼéichapa 1 Corintios 3:6 oipytyvõ Níldape?

• ¿Mbaʼéichapa Nilda osolusiona raʼe upe situasión?