Ñaipytyvõ ñane estudiantekuérape oheja hag̃ua umi práktika vai

Umi hénte hekopotĩva añoite ikatu oreko peteĩ amista iporãva Jehovándi (1Pe 1:14-16). Umi estudiánte ojapóvo umi kámbio tekotevẽva oho porãvéta chupekuéra hogapýpe, hesãivéta ha oipuru porãvéta ipláta.

Eñehaʼã eexplika porã ne estudiántepe umi mbaʼe Jehová ojeruréva, mbaʼérepa omanda umi mbaʼe ha mbaʼéichapa ou porãta chupe ojapóramo umíva. Eipytyvõ chupe okambia hag̃ua opensa lája ha upéicha haʼe ojaposéta la oaprendéva (Ef 4:22-24). Easegura ne estudiántepe Jehová oipytyvõtaha chupe oheja hag̃ua oimehaichagua vísio vai (Flp 4:13). Emboʼe chupe ojerure asy hag̃ua Jehovápe ajúda ojapose jave la ivaíva. Peñemongeta pehechakuaa hag̃ua mbaʼéicha javépa ijetuʼu chupe ojejokokuaa hag̃ua ha péicha omboykete hag̃ua umichagua situasión. Emokyreʼỹ chupe ojepokuaa hag̃ua ojapo umi aktivida iporãva, umíva opyta hag̃ua umi práktika vai rekovia. Revyʼaitereíta rehechávo ne estudiánte ojapoha umi kámbio Jehová oipytyvõ rupi chupe.

EHECHA PE VIDÉO ÑAIPYTYVÕ ÑANE ESTUDIANTEKUÉRAPE OHEJA HAG̃UA UMI PRÁKTIKA VAI, HA UPÉI ERRESPONDE KOʼÃ PORANDU:

• 

  ¿Mbaʼéichapa orreaksiona raʼe umi ansiáno ha Nilda oikuaárõ guare Arami ndohejaitiha pe vísio vai?

• 

  ¿Mbaʼépa ojapo Nilda oipytyvõve hag̃ua Aramípe?

• 

  ¿Mbaʼépa ojapo Arami Jehová oipytyvõ hag̃ua chupe?