JAIKO KRISTIÁNO TEÉICHA
Japorohayhúkena Jehová ñanderayhuháicha
Jehová ñanderayhu ipyʼaite guive ha péicha oheja ñandéve peteĩ ehémplo iporãva (Sl 103:11). Peichagua mborayhu ningo ndahaʼéi ñañandúva sapyʼaitemínte, síno ñañandu ñane korasõ mbytetépe ha ndopái oimeháicha rei. Jehová heta vése ohechauka ohayhuetereiha umi israelítape. Haʼe oguenohẽ vaʼekue chupekuéra umi egipcio poguýgui ha ogueraha chupekuéra pe yvy oñepromete vaʼekuépe (Sl 105:42-44). Avei heta vése osalva chupekuéra ha operdona jey jey ipekadokuéra (Sl 107:19, 20). Jahechakuaávo “Jehová oporohayhuetereiha” upéva ñanemomýi jasegi hag̃ua avei iñehémplo (Sl 107:43).
EHECHA PE VIDÉO ANÍKENA NDERESARÁI MBAʼÉICHAPA JEHOVÁ OHECHAUKA NDERAYHUETEREIHA, HA UPÉI ERRESPONDE KOʼÃ PORANDU:
¿Mbaʼéicha javépa ikatu jahechauka japorohayhuha ñande pyʼaite guive?
¿Mbaʼérepa sapyʼánte jajesakrifikámante vaʼerã jahechauka hag̃ua japorohayhuha?