¿Mbaʼépa ñanepytyvõta jaasegura hag̃ua ñande futúro?

Koʼápeve jahecha mbaʼéichapa heta hénte opensa ifutúro odependeha idestínore, umi estúdio yvatére ha pe pláta orekóvare, térã ivuéno ha imbaʼeporã haguére. Péro jahecháma avei ndaikatuiha jajeroviapa koʼã mbaʼére. ¿Heʼisépa upéva ndaiporiha mbaʼeve ikatu vaʼerã ñanepytyvõ jaasegura hag̃ua ñande futúro? Nahaniriete voi.

ÁLGIEN IÑARANDUVÉVA ÑANEPYTYVÕKUAA

Jadesidíta jave algúna kósa jajerure jepi konsého umi iñaranduvéva ha ijedavévape ñandehegui. Ha oĩ hína álgien iñarandu ha ijedaitevéva enterovévagui. Upévare isentídota jajeruréramo chupe konsého jaasegura hag̃ua ñande futúro. ¿Moõpa ikatu jatopa ikonsehokuéra? Ojapóma 3.500 áñorupi haʼe oñepyrũ hague oskrivika umíva peteĩ lívrope, ha upéva haʼe la Biblia.

¿Mbaʼérepa ikatu jajerovia la Bíbliare? Pórke pe oskrivika vaʼekue haʼe la iñaranduvéva ha ijedavéva oĩva ko univérsope. Haʼe ningo “pe Karai Ijedaitéva” ha oĩva “ymaite guive ha pára siémpre” (Daniel 7:9; Salmo 90:2, nóta). Haʼe hína “umi yvága Apohare, pe Dios verdadéro. Haʼe okrea ha omopyenda porã ko yvy” (Isaías 45:18). Ha haʼe voi heʼi ñandéve heraha Jehová (Salmo 83:18).

La Biblia nomboʼéi peteĩ kultúra térã nasionalida iñimportanteveha ótrogui, pórke pe oskrivika vaʼekue okrea opaichagua persónape. Umi konsého ha gía omeʼẽva ideprovécho ymaite guive ha koʼág̃a peve opaichagua persónape. Kóva ko lívro haʼe la hetave hénte orekóva ha ojetradusivéva.a Upéicha rupi ifásil oñentende hag̃ua ha hénte oparupigua ikatu osegi umi konsého oĩva pype. La Biblia voi heʼi:

‘Ñandejára otrata enterovépe peteĩchante, haʼe oguerohory entéro umi ojapóvape iporãva ha orrespetáva chupe ipyʼaite guive, tahaʼe haʼéva nasiónpe’ (HECHOS 10:34, 35).

Peteĩ túa ohayhu ha oipytyvõháicha ifamíliape, ñande Túa Jehová ñanderayhu ha ñanepytyvõ avei Iñeʼẽ la Biblia rupive (2 Timoteo 3:16). Ikatu jajerovia la Bíbliare pórke ou Ñandejáragui, haʼe ñandeapo vaʼekue ha oikuaa porã mbaʼépa ñanembovyʼáta.

IKATU JAJEROVIA LA BÍBLIARE

Ikatu jajerovia la Biblia heʼívare pórke ojapóma 2.000 áñorupi opredesi hague mbaʼépa oikóta ko múndo tuichakuére ha avei mbaʼéichapa oñekomportáta la hénte.

UMI MBAʼE OIKÓVA KO MÚNDOPE

“Peteĩ país opuʼãta ótro país rehe, ha umi goviérno opuʼãta ojuehe. Oĩta yvyryrýi tuicháva, ápe ha pépe oĩta ñembyahýi ha opaichagua mbaʼasy” (LUCAS 21:10, 11).

LA HÉNTE OÑEKOMPORTA LÁJA

“Umi ára pahápe pe situasión ijetuʼúta ha ipeligrósota. Pórke umi hénte ojepyʼapýta ijehénte, iplatarayhúta, oñembotuicháta, oñemombaʼeguasúta, oñeʼẽ vaíta Ñandejárare ha hapicháre, naiñeʼẽrendumoʼãi ituakuérape, imalagradesídota, ombotavýta hapichápe, ndohayhumoʼãi ihéntepe, ndoikoporãsemoʼãi avavéndi, oñeʼẽ reíta ótrore, ndojejokokuaamoʼãi, isalváheta, ndaijaʼemoʼãi mbaʼeve iporãvare, itraisionérota, ikaprichósota, ijorgullósota, ojapóta chupekuéra ogustávante ohayhu rangue Ñandejárape” (2 TIMOTEO 3:1-4).

¿Ndépa mbaʼe ere, mbaʼéicha rupípa la Biblia opredesi koʼã mbaʼe ha oñekumplipaite? Katuete reiméta de akuérdo peteĩ karai Hong Kongpeguándi, haʼe heʼi: “Koʼã profesía ningo aretereíma ojeskrivi hague ha oñekumplipaite, upévare jaʼekuaa la Biblia ndaikatúi hague peteĩ umáno reínte oskrivi. Oúmante vaʼerã peteĩ iñaranduvévagui ñandehegui”.

La Bíbliape jatopa hetaiterei profesía oñekumplímava.b Upéva ohechauka porã la Biblia haʼeha Ñandejára Ñeʼẽ. Jehová voi heʼi: “Che hína pende Jára ha ndaipóri cheichagua. Ñepyrũrã che amombeʼúma mbaʼéichapa opáta peteĩ mbaʼe” (Isaías 46:9, 10). Upévare ikatu jajerovia la Bíbliare oñeʼẽ jave ñande futúrore.

UMI KONSÉHO NEPYTYVÕTAVA KOʼÁG̃A HA PÁRA SIÉMPRE

Resegíramo umi konsého oĩva la Bíbliape, katuete oho porãvéta ndéve. Jahechamína unos kuánto ehémplo:

PE TRAVÁHO HA PLÁTA

“Iporãve repytuʼuʼimi, reiko rangue rejejuka traváhope. Péicha haʼete reikóva yvytu rapykuéri” (ECLESIASTÉS 4:6).

ÑANDE ROGAPÝPE

“Káda uno pehayhu vaʼerã pene rembirekópe peẽ voi pejehayhuháicha. Pe tembireko katu orrespeta vaʼerã iménape ipyʼaite guive” (EFESIOS 5:33).

JATRATA LÁJA ÓTROPE

“Embohasa ndejehegui pe pochy ha ani ndepyʼaro, ani ndepochy haguére ndéma katu rejapo ivaíva” (SALMO 37:8).

Jasegíramo umi konsého oĩva la Bíbliape javyʼáta koʼág̃ama voi ha jaaseguráta ñande futúro. Jahechamína mbaʼeichagua futúro porãitépa Ñandejára oasegura ñandéve:

JAIKÓTA PYʼAGUAPÝPE HA SEGÚRO PORÃ

“Haʼekuéra ovyʼaitereíta pórke oikóta pyʼaguapýpe ha noñekevrantamoʼãi mbaʼevete asýre” (SALMO 37:11).

JAREKÓTA ÑANDE RÓGA TEE HA NDOFALTAMOʼÃI TEMBIʼU

“Umi hénte ojogapóta ha oikóta hóga teépe, oñotỹta parrál ha hoʼúta hiʼa” (ISAÍAS 65:21).

NDAIPORIMOʼÃI HASÝVA NI OMANÓVA

“Ndaiporimoʼãvéima omanóva, oñelamentáva, hasẽva ni hasýva” (APOCALIPSIS 21:4).

¿Mbaʼépa rejapo vaʼerã reasegura hag̃ua peichagua futúro? Pe sigiénte artíkulope jahecháta upéva.

a Reikuaasevéramo mbaʼéichapa ojetradusi ha oñemog̃uahẽ la héntepe la Biblia, eike Internétpe: www.jw.org, heʼihápe LA BIBLIA OMBOʼÉVA > PE ISTÓRIA HA LA BIBLIA.

b Reikuaasevéramo ko témagui ikatu rehecha kapítulo 9 pe lívro héravape La Biblia... ¿la Palabra de Dios, o palabra del hombre?, ojapóva testígo de Jehová. Oĩva Internétpe: www.jw.org/es, eike heʼihápe BIBLIOTECA > OTRAS PUBLICACIONES.