Ñandejára oñeinteresa nderehe
LA Bíbliape jatopa umi konsého iporãvéva pórke Ñandejára oskrivika ñandéve g̃uarã. Ndahaʼéiramo jepe peteĩ lívro oñeʼẽva mbaʼasýre, umi konsého oĩva pype ñanepytyvõ jaikuaa hag̃ua mbaʼéichapa ikatu ñambohovái umi situasión ñandepyʼapýva. Por ehémplo, ikatu ñanepytyvõ ñañekevrantaiterei jave, jarekóramo pensamiénto vai, ñanderasykatúramo térã jarekórõ provléma emosionál.
La Biblia oasegura ñandéve peteĩ mbaʼe iñimportantetereíva: ñande Kreadór Jehováa ontende mbaʼéichapa ñañeñandu, mbaʼépa ñandepyʼapy ha entéro mbaʼe jahasáva. Ndaipóri avave haʼéicha ñanentendéva. Ñandejára oĩseterei voi ñande ykére ñanepytyvõ hag̃ua oimehaichagua situasiónpe. Eñatendemína koʼã mokõi téxto bíblicore ohechauka porãva upéva:
“Jehová ag̃ui oĩ umi osufrívagui, haʼe osalva umi oñekevrantávape ha oñeñandúvape yvýre” (SALMO 34:18).
“Che ningo Jehová, nde Jára, ha añakarama hatãta nderehe, nde po deréchagui rojagarráta. Che ningo haʼe ndéve: ‘Ani rekyhyje, che roipytyvõta’” (ISAÍAS 41:13).
¿Mbaʼéichapa Jehová ikatu ñanepytyvõ jarekóramo depresión, ansieda térã ótro provléma emosionál? Pe sigiénte artíkulope oñemyesakãta mbaʼéichapa Jehová ohechauka de diferénte fórma ojepyʼapyha ñanderehe.
a Jehová haʼe hína Ñandejára réra (Salmo 83:18).