Jaipurukuaa hag̃ua jw.org

¿Mbaʼéichapa ikatu jatopa jey umi artíkulo osẽ vaʼekue pe páhina de inísio jw.org-pe?

Heta ermánope ningo ideprovechoiterei predikasiónpe g̃uarã umi artíkulo osẽva pe páhina de inísiope oĩva jw.org-pe. Koʼãva ifásil ñaenvia hag̃ua umi ñane kontaktokuérape, ha oexplika jepi mbaʼéichapa umi mbaʼe oikóva okumpli hína umi profesía oĩva la Bíbliape. Peteĩ ermáno oskrivi vaʼekue: “Koʼã artíkulo ningo iporãiterei jaipuru hag̃ua pe método pyahu jarekóvape japredika hag̃ua koʼág̃arupi”.

Umi artíkulo osẽva jepi pe páhina de inísiope pyʼỹinte okambia. Upévare, ¿mbaʼépa ikatu jajapo jatopa jey hag̃ua peteĩ artíkulo osẽ vaʼekue upépe ha ndaiporivéimava?

• Nde reiméramo pe páhina de inísio jw.org-pe, eho heʼihápe “Ehechave” oĩva pe portáda guýpe pe orílla gotyo. Péva pe enláse ndegueraháta pe párte heʼihápe “Umi artíkulo osẽ ramovéva pe páhina oĩvape iñepyrũme”. Upépe retopáta umi artíkulo osẽ ramovéva.

• Pe páhina jw.org-pe térã JW Library-pe eike heʼihápe “Vivliotéka” ha eheka “Artíkulo oĩva ñande sítiope”. Upéi eiporavo pe heʼihápe “Hetave téma”. Ko pártepe etopáta heta artíkulo osẽ vaʼekue pe ñane páhina de inísiope.