Jaipuru jw.org jaheka hag̃ua umi konsého ñanemoarandútava

La Biblia omeʼẽ ñandéve la ñaikotevẽva ñambohovái hag̃ua umi provléma oñepresentáva koʼã ára pahápe (2Ti 3:1, 16, 17). Péro sapyʼánte ndajatopái ensegída umi konsého bíblico ñanepytyvõtava peteĩ situasiónpe. Por ehémplo, ikatu umi tuakuéra oheka hína konsého omongakuaa porã hag̃ua ifamíliape. Ikatu oime peteĩ mitãrusu térã mitãkuña oikotevẽ ajúda osegi hag̃ua iñeʼẽrendu Jehovápe. Ha oimérõ oĩ opytáva viúdo térã viúda katuete oñembyasy hína. Oimérõ ñaime koʼãichagua situasiónpe térã jahasa ótra kósa ijetuʼúva, iporã jaikuaa katuete jatopataha informasión iporãitereíva ñande sítio de Internétpe (Pr 2:3-6).

Pe páhina oĩvape iñepyrũme ñande sítio jw.org-pe, ejopy heʼihápe LA BIBLIA OMBOʼÉVA (ehecha pe taʼanga 1). Upépe osẽta ndéve peteĩ lísta ha relehi vaʼerã pe téma neinteresáva. Ikatu avei eike heʼihápe VIVLIOTÉKA, upéi ejopy heʼihápe ARTÍKULO OĨVA ÑANDE SÍTIOPE ha upépe ikatu relehi pe informasión reikotevẽva (ehecha pe taʼanga 2). Retopáta avei koʼã téma pe aplikasión JW Líbrarype.a ¡Katuete ningo ndegustáta koʼã artíkulo! Ikatu avei remoĩntema pe téma reikotevẽva ñande sítiope pe kuadroʼi heʼihápe “Eheka”, oĩháme pe lupaʼi raʼanga.

Eskrivi koʼã téma pe kuadroʼi heʼihápe “Eheka” oĩva ñande sítiope. Upéi eanota umi artíkulo releeséva.

• Mitã ñemongakuaa

• Mitãrusukuéra

• Omanóramo jahayhúva