Jahejákena ñandegia ñande jerovia

1. ¿Mbaʼérepa Pablo ovyʼa vaʼekue opensávo la ojapo vaʼekuére?

APÓSTOL Pablo oikuaárõ guare ojejukatamaha chupe, opensa la ojapo vaʼekuére oikove aja ha ovyʼa umívare. Haʼe heʼi vaʼekue: “Adipara pe karréra amohuʼã meve, asegi ajerovia Ñandejárare” (2 Tim. 4:​6-8). Pablo odesidi vaʼekue heta mbaʼe iporãva oservi hag̃ua Jehovápe, upévare oĩ vaʼekue segúro Jehová ovyʼaha heseve. Ñande avei ikatu jadesidi umi mbaʼe iporãva Ñandejára ñandeguerohory hag̃ua. ¿Péro mbaʼéichapa ikatu jajapo upéva?

2. ¿Mbaʼépa heʼise vaʼekue Pablo 2 Corintios 5:​7-pe?

² Pablo oñeʼẽrõ guare ijehe ha umi ótro kristiánore heʼi vaʼekue: ‘Ñande ndajahejái ñandegia umi mbaʼe jahecháva, síno jaheja ñandegia ñande jerovia’ (2 Cor. 5:7). ¿Mbaʼépa heʼise vaʼekue upérõ Pablo? Umi hénte ndojeroviáiva Ñandejárare odesidíta jave peteĩ mbaʼe, oreko enkuénta sólamente umi mbaʼe ohecháva, ohendúva ha oñandúva. Péro pe persóna ohejáva ogia chupe ijerovia, oreko enkuénta umi mbaʼe Jehovápe ogustáva odesidíta jave peteĩ mbaʼe. Umichagua persóna oĩ segúro la ojegiáramo Jehová oipotávare ovyʼavetaha koʼág̃ama voi, ha amo gotyove Ñandejára tuichavéntema opremiataha chupekuéra (Sal. 119:66; Heb. 11:6).

3. ¿Mbaʼe iporãvapa jahupytýta jahejáramo ñandegia ñande jerovia? (2 Corintios 4:18).

³ Jaikuaa ningo enterovéva jarekoha enkuénta umi mbaʼe jahecháva, ñahendúva ha ñañandúva jadesidi jave peteĩ mbaʼe. Péro jarekórõ enkuénta koʼã mbaʼe añoiténte jadesidíta jave peteĩ mbaʼe iñimportánteva, ikatu hína jaju ñaneprovléma. ¿Mbaʼérepa? Pórke umi mbaʼe jahecháva ha ñañandúva ikatu ñanembotavy. Ha avei jarekórõ enkuénta umívante jadesidi jave álgo, ikatu kon el tiémpo jajapo peteĩ mbaʼe ndogustáiva Jehovápe (Ecl. 11:9; Mat. 24:​37-39). Péro jahejáramo ñandegia ñande jerovia, jadesidíta umi mbaʼe oĩ porãva “ñande Ruvichápe g̃uarã” (Efes. 5:10). Jajegiáramo Jehová heʼívare ñandepyʼaguapýta ha javyʼáta (Sal. 16:​8, 9; Is. 48:​17, 18). Ha jasegíramo jajegia ñande jeroviáre ikatúta jaikove pára siémpre (elee 2 Corintios 4:18).

4. ¿Mbaʼéichapa jaikuaa jajegiápa hína ñande jeroviáre?

⁴ ¿Mbaʼéichapa jaikuaáta jahejápa hína ñandegia umi mbaʼe jahecháva térã ñande jerovia? Upearã enterovéva ñañeporandu vaʼerã koʼã mbaʼe: “¿Mbaʼe rehepa ajegia adesidíta jave peteĩ mbaʼe? ¿Arekópa enkuénta umi mbaʼe ahechávante térã ajegia Jehová konséhore?”. Jahechamína mbaʼéichapa ikatu jasegi jajegia ñande jeroviáre mbohapy situasión iñimportantetereívape: 1) Jajagarráta jave ñande travahorã, 2) jaiporavóta jave mávarepa ñamendáta, ha 3) jarresivi jave instruksión Jehová organisasióngui. Ñaanalisáta jahávo mbaʼépa jareko vaʼerã enkuénta káda situasiónpe ikatu hag̃uáicha jadesidi porã.

JAJAGARRÁTA JAVE ÑANDE TRAVAHORÃ

5. ¿Mbaʼépa jareko jepi enkuénta jajagarráta jave peteĩ traváho?

⁵ Enterovéva ñambaʼapo ñañemantene hag̃ua ha ñameʼẽ hag̃ua ñane famíliape la oikotevẽva (Ecl. 7:12; 1 Tim. 5:8). Oĩ hína umi traváho ojepaga porãvehápe, upéicha rupi umi hénte ikatu ohupyty la oikotevẽva ha hemby jey chupe oaorra hag̃ua. Péro oĩ avei umi traváho ojepaga saʼivehápe, ha umi família sólamente ohupyty la oikotevẽkuetéva. Upévare jadesidíta jave jajagarrátapa peteĩ traváho jarekótante voi enkuénta mboýpa ñaganáta. Péro oimérõ jareko enkuénta upéva añoiténte jahechauka hína jajegiaha la jahechávarente.

6. ¿Mbaʼéichapa jahejáta ñandegia ñande jerovia jajagarráta jave ñande travahorã? (Hebreos 13:5).

⁶ Jahejáramo ñandegia ñande jerovia jarekóta avei enkuénta mbaʼéichapa upe traváho ikatu oafekta ñane amista Jehovándi. Upévare eñeporandumína: “Ajagarrárõ upe traváho, ¿tekotevẽtapa ajapo peteĩ mbaʼe ndogustáiva Jehovápe?” (Prov. 6:​16-19). “¿Aperdétapa umi rreunión térã saʼivéma apredikáta ha astudiáta la Biblia? ¿Aĩtapa mombyry che famíliagui hetaiterei tiémpore?” (Filip. 1:10). Oimérõ rehechakuaa upeichataha, iporãvéta nderejagarráiramo upe traváho ijetuʼútaramo jepe etopa hag̃ua ótro. Jahejáramo ñandegia ñande jerovia ojekuaáta umi mbaʼe jadesidívare, pórke ndajadudamoʼãi Jehová omeʼẽtaha ñandéve la ñaikotevẽva (Mat. 6:33; elee Hebreos 13:5).

7, 8. ¿Mbaʼéichapa peteĩ ermáno ohechauka ohejaha ogia chupe ijerovia? (Ehecha pe taʼanga).

⁷ Peteĩ ermáno hérava Javiera oikóva Sudaméricape, ohechakuaa iñimportantetereiha jaheja ñandegia ñande jerovia. Haʼe heʼi: “Amoinge che solisitu peteĩ traváho ojepagatahápe chéve el dóvle ha oñemeʼẽtahápe chéve peteĩ puésto iñimportánteva”. Péro Javier ojaposeterei avei iprekursorádo. Ko ermáno heʼi: “Upéi ojeʼe chéve arakaʼépa aha vaʼerã la entrevistarã. Péro upe mboyve añemboʼe Jehovápe pórke aĩ segúro haʼe oikuaa porãha mbaʼépa la okonvenivéva chéve. Chéngo ambaʼapo porãse péro ndajagarraséi kuri upe traváho, oimérõ upéva chejokóta ajapove hag̃ua Jehová servísiope”.

⁸ Javier omombeʼu: “Upe entrevísta aja pe herénte heʼi chéve tekotevẽtaha pyʼỹi ajapo óra éxtra. Upémarõ aexplika porãnte chupe ndaikatumoʼãiha ajapo upéva pórke aservi Jehovápe”. Upémarõ Javier ndoaseptái upe traváho. Ohasa rire 2 semána haʼe omoñepyrũ iprekursorádo, ha upe rire upe áñope otopa peteĩ traváho ndoʼupáiva chugui itiémpo. Javier heʼi: “Jehová ohendu la che ñemboʼe, ha omeʼẽ chéve peteĩ traváho chepytyvõva ajapo hag̃ua che prekursorádo. Avyʼaiterei ningo atopa haguére peteĩ traváho opermitíva chéve aservive Jehovápe ha che ermanokuérape”.

9. ¿Mbaʼépa reaprende Trésor ehémplogui?

⁹ Ikatu oime jahechakuaa pe traváho jarekóva koʼág̃a nañanepytyvõiha ñañemoag̃ui hag̃ua Jehováre. ¿Mbaʼépa ikatu jajapo upéicharõ? Jahechamína Trésor ehémplo. Ko ermáno ningo oiko Cóngope ha heʼi: “Ajagarra peteĩ traváho núnka ni nasoñáiva atopataha. Añepyrũ agana el tríple la agana vaʼekuégui, ha umi hénte cherrespeta”. Péro Trésor oñepyrũ ofalta rreunionhápe pórke tekotevẽ ombaʼapo óra éxtra. Avei sapyʼánte ikompañerokuéra ojopy chupe ijapu hag̃ua pono ojepilla ojejapo vai hague peteĩ mbaʼe. Trésor ohejaséntema kuri la itraváho, péro ojepyʼapy avei ndotopáirõ g̃uarã ótro. ¿Mbaʼépa oipytyvõ chupe? Haʼe heʼi: “La heʼíva Habacuc 3:​17-19-pe chepytyvõ antende hag̃ua aperdéramo jepe la che traváho, Jehová okuidataha cherehe ha upémarõ arrenunsia”. Trésor heʼi avei: “Heta patrón opensa opaga porã haguére, umi hénte ohejataha entéro mbaʼe upe traváho rehehápe, tekotevẽtarõ jepe omboyke ifamíliape ha Ñandejárape. Péro che avyʼa akuida haguére che amista Jehovándi ha namboykéi haguére che famíliape. Un áño upe rire Jehová chepytyvõ atopa hag̃ua peteĩ traváho isegúrova, chepytyvõva ahupyty hag̃ua umi mbaʼe aikotevẽva ha arekove hag̃ua tiémpo aservi porã hag̃ua Jehovápe”. Legálmente ñamotenondérõ Jehovápe sapyʼánte ikatu ijetuʼu la situasión ha ñandesogue, péro Jehová siémpre okuidáta ñanderehe. Jahechaháicha, jajeroviárõ Jehová konsého ha ipromesakuérare, jahejáta ñandegia ñande jerovia ha haʼe ñanevendesíta.

JAIPORAVÓTA JAVE MÁVAREPA ÑAMENDÁTA

10. Oimérõ ñapensa ñamenda, ¿mbaʼépa jareko vaʼerã enkuénta, péro mbaʼépa ndovaléi avei jajapo?

¹⁰ Pe matrimónio ningo peteĩ rregálo Jehová omeʼẽva, ha normál ningo la ñamendase. Oimérõ peteĩ ermána opensa omendávo peteĩ ermánore, ikatu oreko enkuénta pe ermáno lája, ipínta, mbaʼépa umi ótro opensa hese, mbaʼéichapa oñeñandu oĩ jave pe ermánondi, mbaʼéichapa haʼe oipuru ipláta ha oimépa hína pe ermáno siémpre oñatende vaʼerã ifamíliare.b Legálmente koʼã mbaʼe iñimportánte. Péro oimérõ pe ermána oreko enkuénta koʼã mbaʼe añoiténte, ohechauka hína ojegiaha umi mbaʼe ohechávarente.

11. ¿Mbaʼéichapa umi omendaséva ohechaukáta ohejaha ogia chupe ijerovia? (1 Corintios 7:39).

¹¹ Oĩ ningo heta ermáno ha ermána osegíva Jehová konsého oiporavóta jave mávarepa omendáta. ¡Oiméne ovyʼaite Jehová hesevekuéra! Por ehémplo haʼekuéra ojagarra ensério pe konsého heʼíva iporãveha ohaʼarõ omenda hag̃ua, ha ani ojapo upéva imitãiterei reheve (1 Cor. 7:36). Koʼã ermáno ha ermána, ojasegura pe persóna orekópa hína umi kualida Jehová heʼíva oreko vaʼerãha peteĩ ména térã tembireko (Prov. 31:​10-13, 26-28; Efes. 5:33; 1 Tim. 5:8). Ha oimérõ peteĩ ndahaʼéiva Testígo ojegusta hesekuéra, koʼã ermáno ha ermána imanduʼa pe konsého heʼívare omenda vaʼerãha peteĩ ‘ñande Ruvicha disípulore’ (elee 1 Corintios 7:39). Haʼekuéra oheja ijerovia ogia chupekuéra, ha oĩ segúro Jehová siémpre okuidataha hesekuéra ovyʼa ha oñeñandu porã hag̃ua (Sal. 55:22).

12. ¿Mbaʼépa ñanemboʼe Rosa ehémplo?

¹² Jahechamína la ohasa vaʼekue peteĩ prekursóra oikóva Colómbiape hérava Rosa. Itravahohápe oĩ kuri peteĩ kariaʼy ndahaʼéiva Testígo oñepyrũva ojegusta hese, upéi Rosa ojegustáma avei hese. Rosa heʼi: “Chéverõ g̃uarã haʼe ikalidaiterei vaʼekue, haʼe oipytyvõ umi ivesinokuérape ha ndaipóri ivaíva ikatúva jaʼe hese. Haʼe chetrata porãiterei ha orekopaite vaʼekue la chéve chegustáva, péro ndahaʼéi vaʼekue Testígo”. Upéi Rosa heʼi: “Ijetuʼu vaʼekue chéve arrechasa hag̃ua chupe, pórke upe tiémpope che añeñandu vaʼekue cheaño ha amendase, péro ndatopái che irũrã Jehová organisasiónpe”. Rosa ndojesarekói vaʼekue la ohechávarente, upéva rangue haʼe opensa la odesidíva ikatuha ombyai la iñamista Jehovándi. Upévare Rosa odesidi noñeʼẽvéi pe kariaʼýndi ha osegi hembiapo heta Jehová servísiope. Tiémpo riremínte Rósape oñeinvita oho hag̃ua pe Eskuéla de Evanhelisadórpe, ha koʼág̃a haʼe oservíma de prekursóra espesiál. Haʼe heʼi: “Jehová omeʼẽ chéve hetaiterei mbaʼe chembovyʼaitereíva”. Jahechaháicha la ñañandúva ikatu imbareteterei, upévare sapyʼánte ndahaʼéi la ifasilpáva jajapo Jehová heʼíva, péro jajegiárõ la haʼe opensávare siémpre ñasẽ porãta.

JARRESIVI JAVE INSTRUKSIÓN JEHOVÁ ORGANISASIÓNGUI

13. ¿Mbaʼépa ikatu sapyʼánte oiko jarresivi jave instruksión?

¹³ Umi ansiáno, umi superintendénte de sirkuíto, pe sukursál ha pe Kuérpo Governánte pyʼỹinte omeʼẽ ñandéve instruksión ñanepytyvõva jaservi hag̃ua Jehovápe. ¿Péro mbaʼépa oikóta nañantendéiramo mbaʼérepa oñemeʼẽ ñandéve peteĩ instruksión? Ikatu ñañepyrũ ñapensa péva ndouporãmoʼãiha ñandéve. Umi ermáno omeʼẽva pe instruksión iñimperfékto avei, ha ikatu voi jaju jajesarekoiterei umi ideféktorentema.

14. ¿Mbaʼépa ñanepytyvõta ñaneñeʼẽrendu hag̃ua jarresivi jave peteĩ instruksión? (Hebreos 13:17).

¹⁴ Ñande jajerovia Jehová ogiaha iñorganisasiónpe ha oikuaa porãha enterovéva situasión. Upévare pyaʼe ñaneñeʼẽrendu ha jajapo voi upéva vyʼápe (elee Hebreos 13:17). Ñande jaikuaa ñaneñeʼẽrendúramo ñaipytyvõtaha ñane kongregasión oĩ hag̃ua unído ha peteĩ ñeʼẽme (Efes. 4:​2, 3). Avei ñaĩ segúro Jehová ñanevendesitaha ñaneñeʼẽrendúramo, jepe umi ermáno ñandegiáva iñimperfékto (1 Sam. 15:22). Ha oimérõ oĩ peteĩ mbaʼe tekotevẽva legálmente oñekambia, jaikuaa Jehová ojapotaha upéva itiempoitépe (Miq. 7:7).

15, 16. ¿Mbaʼépa oipytyvõ vaʼekue peteĩ ermánope ojegia hag̃ua la Jehová opensávare? (Ehecha pe taʼanga).

¹⁵ Jahechamína peteĩ experiénsia ohechaukáva ideprovechoitereiha jahejáramo ñandegia ñande jerovia. Perúpe oĩ hetaiterei oñeʼẽva españólpe, péro oĩ avei heta oñeʼẽva umi idióma indíhenape. Peteĩva umi idióma haʼe hína quechua. Heta áñore umi ermáno oñeʼẽva quechua oheka pe territóriope umi hénte oñeʼẽva upe idióma. Péro upéi tekotevẽ kuri ojejapo peteĩ kámbio ikatu hag̃uáicha oñekumpli umi léi omeʼẽva pe goviérno (Rom. 13:1). Upémarõ ojeavisa umi ermánope mbaʼéichapa upe guive oñepyrũ vaʼerã hikuái oheka umi héntepe. Péro oĩ kuri umi ermáno oñeporandúva upe kámbiopa ndoafektamoʼãi pe predikasión upe idiómape. Upéicharõ jepe umi ermáno iñeʼẽrendu, ha upéi ohechakuaa Jehová ovendesiha chupekuéra otopave hag̃ua umi hénte oñeʼẽvape quechua.

¹⁶ Kevin ningo haʼe peteĩ ansiáno oservíva peteĩ kongregasión quéchuape, haʼe ningo ojepyʼapy vaʼekue avei oúrõ guare upe kámbio. Kevin heʼi: “Che apensa kuri mbaʼéicha la rotopáta umi hénte oñeʼẽvare quéchuape”. ¿Mbaʼépa ojapo upémarõ Kevin? Haʼe heʼi: “Apensa la heʼívare Proverbios 3:​5, ha chemanduʼa Moisés rehe. Haʼe ningo onohẽ vaʼerã kuri umi israelítape Egíptogui, péro oraha vaʼerã chupekuéra peteĩ lugár ifalsiltahápe umi egípciope ojagarra hag̃ua chupekuéra. Haʼete la naisentidopáiva la Jehová omanda vaʼekue Moiséspe, péro Moisés iñeʼẽrendu ha Jehová tuichaiterei ovendesi chupe” (Éx. 14:​1, 2, 9-11, 21, 22). Kevin naiprovlémai kuri okambiánte hag̃ua pe opredika lája. ¿Mbaʼépa oiko raʼe upéi? Kevin heʼi: “Añesorprende ahechárõ guare mbaʼeichaitépa Jehová orevendesi. Ymave heta roguatámi vaʼerã predikasiónpe ha sapyʼánte rotopa peteĩ térã mokõinte oñeʼẽva quéchuape. Koʼág̃a katu rombaʼapove umi território oĩvehápe umi oñeʼẽva ko idióma. Upéicha rupi ropredikave, ha rorekove rrevisíta ha kúrso bíblico. Avei hetave la ohóva rreunionhápe”. Péicha jahecha jajegiáramo la Jehová opensávare, haʼe siémpre ñanevendesitaha.

17. ¿Mbaʼe mbaʼépa reaprende ko artíkulope?

¹⁷ Ko artíkulope jahecháma mbaʼéichapa ikatu jaheja ñandegia ñande jerovia mbohapy situasión iñimportántevape. Péro jasegi vaʼerã jajegia la Jehová opensávare entéro mbaʼépe, por ehémplo jaiporavóta jave ñane diversionrã, mbaʼépa jastudiáta ha mbaʼéichapa ñamongakuaáta ñane famíliape. Tahaʼe haʼéva la jadesidíva ndajajegiái vaʼerã la jahechávarente. Upéva rangue jareko vaʼerã enkuénta ñane amista Jehovándi, ikonsehokuéra ha haʼe oprometeha okuidataha ñanderehe. Péicha jajapóramo “ñaneñeʼẽrendúta Ñandejára Jehovápe opa ára g̃uarã” (Miq. 4:5).