Eaprovecha porãkena umi téxto de rreferénsia

Releekuévo Ñandejára Ñeʼẽ La Biblia Traducción del Nuevo Mundo, ehecháta oĩha jepi peteĩ létra michĩʼíva umi palávra ykére. ¿Maʼerãpa upéva? Upéva heʼise oĩha téxto de rreferénsia omeʼẽva hetave informasión peteĩ témare. Umi rreferénsia ohechauka umi diferénte párte de la Biblia ohoha ojuehe. Oimérõ reipuru hína peteĩ Biblia imprésa, emaña raẽ vaʼerã mbaʼe létrapa oĩ pe palávra ykére, ha upéi eheka pe mísma létra pe kolúmna oĩva mbytépe upe páhinape. Oimérõ relee nde Biblia jw.org-pe térã pe aplikasión JW Líbrarype, ejopýnte vaʼerã pe létra ha osẽtama ndéve umi téxto de rreferénsia.

¿Mbaʼeichagua informasiónpa omeʼẽ umi téxto de rreferénsia? Koʼã hína algúno ehémplo:

Téxto oñemombeʼuhápe la mísma kósa: Umi rreferénsia ikatu ohechauka ndéve mbaʼe ótro téxtopa omombeʼu el mísmo rreláto. Por ehémplo ikatu ehecha 2 Samuel 24:1 ha 1 Crónicas 21:1.

Moõpa oĩ raʼe pe ojeʼéva: Koʼã rreferénsia ohechauka moõguipa oñenohẽ la ojeʼéva upe téxtope. Por ehémplo ehecha Mateo 4:4 ha Deuteronomio 8:3.

Profesía oñekumplíva: Umi rreferénsia ombojoaju peteĩ profesía ha ikumplimiénto. Por ehémplo ehecha Zacarías 9:9 ha Mateo 21:5.