Yan Zabolotnyi/stock.adobe.com
¡PEÑATENDE PORÃKENA!
Amás día hetave umi iñañáva. ¿Mbaʼépa heʼi la Biblia?
Haitípe oĩ hetaiterei pandilléro iviolentoitereíva ha ojapóva sarambi. Ha peichagua violénsia ojagarrapaite avei Sudáfrica, México ha hetave país oĩva Latinoaméricape. Umi hénte oikóva umi lugár saʼivehápe pe violénsia jepe, ojepyʼapy ha okyhyje ohendu rupi oĩha heta oporomondáva ha ojapóva a propósito sarambi ha inséndio.
¿Mbaʼérepa opárupi oĩ hetaite hénte iñañáva? ¿Mbaʼépa heʼi la Biblia?
Mbaʼépa heʼi la Biblia umi iñañávare
La Biblia heʼíma vaʼekue voi oĩtaha heta hénte iñañáva ‘pe fin og̃uahẽ potaitévo’ (Mateo 24:3). Omombeʼúrõ guare mbaʼe mbaʼépa oikóta og̃uahẽ mboyve pe fin, Jesucristo heʼi vaʼekue:
“Ha hetave rupi umi iñañáva, hetaiterei hénte oúta ndojoayhuvéi” (Mateo 24:12).
La Biblia heʼi avei mbaʼépa oikóta “umi ára pahápe”: “[Umi hénte] ndojejokokuaamoʼãi, isalváheta, ndaijaʼemoʼãi mbaʼeve iporãvare” (2 Timoteo 3:1-5). Heta hénte opensa rupi ijehénte, koʼág̃arupi oĩ hetave umi iñañáva.
Péro oĩ esperánsa koʼẽrõite okambiataha ko situasión. La Biblia opromete:
“Koʼẽrõitéma opáta umi hénte iñañáva, remañáta oĩ haguépe hikuái, ha ni hendague ndopytamoʼãi. Péro umi hénte ivuénova opytáta ko yvy ape ári, haʼekuéra ovyʼaitereíta pórke oikóta pyʼaguapýpe ha noñekevrantamoʼãi mbaʼevete asýre” (Salmo 37:10, 11).
¿Mbaʼe esperánsapa omeʼẽve la Biblia? ¿Mbaʼérepa jaʼekuaa umi mbaʼe oikóva koʼág̃a okumpliha umi profesía? Eikuaaséramo koʼã mbaʼe, elee koʼã artíkulo:
“La esperanza real de un mañana mejor”.
“¿Cuál es la señal de ‘los últimos días’ o ‘los tiempos finales’?”.