Photo by Stringer/Getty Images
¡PEÑATENDE PORÃKENA!
Pe gérra oikóva Israélpe ha umi país oĩvape ijerére. ¿Mbaʼépa heʼi la Biblia?
Ko múndo tuichakuére la hénte ojepyʼapyeterei pe gérra oikóvare hína éntre Estados Unidos, Israel ha Irán. ¿Serápa ko gérra tuichavéta ohóvo ha oafektáta hetave paíspe? ¿Ikatúpa umi goviérno ojoko koʼãichagua gérra ha ogueru pyʼaguapy teete?
Umi hénte oikuaáva umi profesía bíblica ikatu opensa pe gérra oikóva koʼág̃a Israel gotyo omoñepyrũtaha hína pe gérra de Armagedón, oñeñeʼẽha lívro de Apocalípsispe.
¿Mbaʼépa heʼi la Biblia?
¿Ikatúpa umi goviérno ojoko pe gérra oikóva koʼág̃a Israel gotyo?
La Biblia heʼi: “Ani pejerovia umi governánte rehe, ni ótro kuimbaʼére, pórke koʼã persóna ndaikatúi ñandesalva” (Salmo 146:3).
Legálmente ndajaikuaái umi goviérnopa ikatúta omehora la situasión oĩva koʼág̃a Israel gotyo. Péro la Biblia heʼi porã ni peteĩ líder polítiko, goviérno umáno ni oimeraẽ ótra hénte ndaikatumoʼãiha ojokoite umi gérra ha ogueru pe pyʼaguapy teete. Ñandejára podér rupivémante “ndaiporimoʼãvéima ni peteĩ gérra ko yvy ape ári” (Salmo 46:9).
Eikuaave hag̃ua ko témagui, elee pe rrevísta Ñemañaha hérava “¿Mbaʼéichapa ikatu opaite umi gérra?”.
¿Serápa pe gérra oikóva Israel gotyo okumpli hína peteĩ profesía?
La Biblia heʼi: “Peẽ pehendúta oikoha gérra heta hendárupi [...]. Peteĩ país opuʼãta ótro país rehe, ha umi goviérno opuʼãta ojuehe” (Mateo 24:6, 7).
Pe gérra oikóva koʼág̃a Israel gotyo, ha hetave mbaʼe oikóva ko múndo tuichakuére, ohechauka “pe fin ou potaitemaha” ha avei jaikomaha “umi ára pahápe” (Mateo 24:3; 2 Timoteo 3:1). Umi gérra oikóva koʼág̃arupi ohechauka Ñandejára koʼẽrõitéma ojapotaha álgo anivéma hag̃ua núnka mas oĩ umi gérra ha avei opaitéma hag̃ua umi provléma ñanembosufríva koʼág̃arupi.
Eikuaave hag̃ua ko témagui, elee pe artíkulo hérava “¿Cuál es la señal de ‘los últimos días’ o ‘los tiempos finales’?”.
¿Oñepyrũtapa Armagedón Israel gotyo?
La Biblia heʼi: “Koʼã profesía ombyaty umi rréipe pe lugár héravape idióma hebréope Armagedón” (Apocalipsis 16:16).
Armagedón ndahaʼéi peteĩ gérra oñorairõtahápe oñokóntrape umi goviérno umáno ha oñepyrũtava Israel gotyo, síno haʼéta peteĩ gérra oñorairõtahápe umi goviérno umáno Ñandejára kóntrape.
Eikuaave hag̃ua ko témagui, elee pe artíkulo hérava “¿Mbaʼépa hína pe gérra de Armagedón?”.
¿Mbaʼépa ikatu jajapo ñandepyʼapyetereíramo koʼã mbaʼe?
La Biblia heʼi: “Ani pejepyʼapyeterei mbaʼevére, síno oimeraẽ situasiónpe pejerure Ñandejárape penepytyvõ hag̃ua, peñemboʼe ha pejerure asývo chupe, ha peagradese avei chupe” (Filipenses 4:6).
Jehováa oipota ñañemboʼe chupe. Ñandejára ningo ojepyʼapyeterei ñanderehe, upévare ohendu ñañemboʼe jave chupe ha ñanepytyvõ ani hag̃ua ñañekevrantaiterei (1 Pedro 5:7). ¿Mbaʼéichapa ojapo upéva? Ndahaʼéi sólamente ñanepytyvõva ñantende hag̃ua mbaʼérepa osegi gueteri oĩ umi gérra, síno avei mbaʼéichapa opaitéta umíva ha avei mbaʼépa ojapóta anivéma hag̃ua jasufri (Apocalipsis 21:3, 4).
Eikuaave hag̃ua mbaʼeichaitépa Ñandejára ñanepytyvõ, elee pe artíkulo hérava “¿Puedo encontrar consuelo en la Biblia?”.
a La Biblia ohechauka Ñandejára heraha Jehová (Salmo 83:18).