LEKSIÓN 25
¿Mbaʼépa Ñandejára oipota ñandéve g̃uarã?
La Biblia heʼi porã ñande rekove ‘mbykyha ha henyhẽteha provlémagui’ (Job 14:1). Péro, ¿upévapa la Ñandejára oipotáva ñandéve g̃uarã? Ha oiméramo nahániri, ¿mbaʼe upéicharõ la ipropósito? ¿Ikatúnepa algúna ves jaiko jey haʼe oipota haguéicha? Jahechamína mbaʼépa heʼi la Biblia.
1. ¿Mbaʼéichapa Ñandejára oipota jaiko?
Jehová ningo oipota iporãvante ñandéve g̃uarã. Okreárõ guare Adán ha Évape omoĩ chupekuéra peteĩ hardín iporãitereívape, hérava Edén. Upéi “Ñandejára ovendesi avei chupekuéra ha heʼi: ‘Penefamília retákena ha peñemboheta hetave ha pemyenyhẽ ko yvy ha peipuru’” (Génesis 1:28). Jehová oipota haʼekuéra ifamília, ojapo ko yvy kompletoitégui peteĩ paraíso ha okuida umi animál rehe. Ñandejára ymaite guive oipota enterove ñaneresãi ha jaiko vyʼápe pára siémpre.
Koʼã mbaʼe ndoikóiramo jepe Ñandejára oipota haguéicha,a ipropósito ñandéve g̃uarã nokambiái (Isaías 46:10, 11). Haʼe oipota gueteri koʼág̃a peve entéro iñeʼẽrendúva chupe oiko vyʼápe pára siémpre peteĩ paraísope (elee Apocalipsis 21:3, 4).
2. ¿Mbaʼéichapa ikatu koʼág̃ama voi javyʼa?
Jehová ningo ñandekrea ñadepende hag̃uáicha hese. Upévare voi la Biblia heʼi ovyʼaha “umi ohechakuaáva oikotevẽha Ñandejárare” (elee Mateo 5:3-6). Haʼe oipota oiko ñandehegui iñamigoite, jaiko hapére, jahayhu ha jaservi chupe ñande pyʼaite guive (Deuteronomio 10:12; Salmo 25:14). Jajapóramo upéicha ikatúta javyʼa ñaneprovléma hetáramo jepe. Ñande jaadorávo Jehovápe jahechakuaa ñande rekove isentidoha ha javyʼa, pórke jaiko haʼe oipotahaichaite.
EJEPYʼAMONGETAMÍNA
Jahechamína mbaʼérepa jaʼekuaa Jehová ñanderayhuetereiha opreparárõ guare ko yvy jaiko hag̃ua pype, ha mbaʼépa heʼi la Biblia haʼe oipotaha ñandéve g̃uarã.
3. Jehová oipota jaiko vyʼápe pára siémpre
Ehecha pe VIDÉO, ha upéi erresponde ko porandu:
¿Mbaʼérepa Ñandejára okrea porãite ko yvy?
Elee Eclesiastés 3:11, ha upéi erresponde ko porandu:
¿Mbaʼépa nemboʼe Jehovágui ko téxto?
4. Jehová propósito ñandéve g̃uarã nokambiái
Elee Salmo 37:11, 29 ha Isaías 55:11, ha upéi erresponde ko porandu:
¿Mbaʼérepa ikatu ñaime segúro Jehová propósito nokambiaiha?
Peteĩ óga oñembyaipáva ningo ikatu ojearregla jey, upéicha avei ko yvy oñembyaipámava Ñandejára ikatu oarregla jey ha omeʼẽ umi ohayhúvape chupe
5. Jaadorávo Jehovápe isentído la ñande rekove
Jaikuaávo maʼerãpa jaikove añetehápe javyʼave. Ehecha pe VIDÉO, ha upéi erresponde ko porandu:
¿Mbaʼéichapa oipytyvõ Terúmipe oikuaávo maʼerãpa Ñandejára ñandekrea vaʼekue?
Elee Eclesiastés 12:13, ha upéi erresponde ko porandu:
¿Mbaʼéichapa ikatu jahechauka Jehovápe jaagradeseha umi mbaʼe porãita ojapóva ñanderehehápe?
OĨRAMO OPORANDÚVA: “¿Maʼerãpa Ñandejára ñandeapo rakaʼe, mbaʼe la ipropósito?”.
¿Mbaʼépa errespondéne chupe?
RRESÚMEN
Jehová oipotaiterei jaiko vyʼápe pára siémpre peteĩ paraísope ko yvy ape ári. Ha jaservívo chupe ñande pyʼaite guive ikatúta javyʼa koʼág̃ama voi.
Rrepáso
¿Mbaʼéichapa oipota vaʼekue Jehová oiko Adán ha Eva?
¿Mbaʼérepa jaʼekuaa Ñandejára propósito ñandéve g̃uarã nokambiaiha?
¿Mbaʼéichapa ikatu revyʼa añete?
EINVESTIGA HAG̃UA
Ehecha mbaʼérepa ikatu ñaime segúro pe hardín de Edén añetehápe oexisti hague.
“Oĩpa rakaʼe pe hardín de Edén?” (Ñemañaha Abril-Junio de 2011)
¿Mbaʼérepa jaʼekuaa ko yvy noñehundimoʼãiha arakaʼeve?
¿Mbaʼéichapa ikatu isentidove ndéve la nde rekove? Ehechamína mbaʼépa heʼi la Biblia.
“¿Maʼerãpa Ñandejára ñandekrea vaʼekue?” (Artíkulo oĩva jw-pe)
Ehecha mbaʼépa oipytyvõ peteĩ karaípe isentído hag̃ua la hekove.
a Leksión 26-pe jahecháta mbaʼérepa ndajaikói koʼág̃a Ñandejára oipota haguéicha.