Umi mbaʼe jaikuaaséva

◼ Arakaʼe pevépa ñambostudiavaʼerã peteĩ tapicha oñakãrapuʼãvape ohóvo?

Peteĩ estudiánte oñakãrapuʼãramo ohóvo, iporãta jasegi jastudia hendive koʼã mokõi puvlikasión: Mbaʼépa añetehápe omboʼe la Biblia? ha ‘Jaikókena Ñandejára mborayhúpe’. Jasegivaʼerã jastudia hendive ojevautisáramo jepe ohesaʼỹijopa mboyve umi mokõi lívro. Ha ikatu ñaanota pe óra, rrevisíta ha estúdio ojevautisámaramo jepe. Avei pe ermáno ñanemoirũva ikatu oanota upe óra (ehecha Ñane Marandu Porã marzo de 2009, páhina 2).

Iñimportanteterei ningo ñaipytyvõ umi ermáno pyahúpe omombarete hag̃ua ijerovia ha upéi ae jaheja chupekuéra oguata haʼeño Ñandejára rapére. Haʼekuéra ‘omopyenda hatã vaʼerã’ ijerovia ogueropuʼaka hag̃ua umi mbaʼe ijetuʼúva ombohováitava (Col. 2:6, 7; 2 Tim. 3:12; 1 Ped. 5:8, 9). Avei ‘oikuaa porã vaʼerã pe añetegua’ ikatu hag̃uáicha ohekomboʼe hekopete hapichakuérape (1 Tim. 2:4). Jastudiapáramo umi mokõi lívro ñane estudiánte ndive, ñaipytyvõñaína chupe oguata hag̃ua ‘pe tape oporoguerahávare jeikove opaveʼỹvape’ (Mat. 7:14, NM).

Umi ansiáno heʼi mboyve peteĩ estudiántepe ikatumaha ojevautisa, ohechakuaavaʼerã ontende porãpa umi mbaʼe iñimportantevéva la Biblia omboʼéva ha oikopahína Ñandejára oipotaháicha. Ha koʼýte oñatendevaʼerã hikuái oĩramo peteĩ estudiánte nomohuʼãitiva pe primer lívro. Ha oiméramo noĩri gueteri ojevautisa hag̃uáicha, umi ansiáno ohechavaʼerã toñepytyvõ chupe ojapo hag̃ua umi mbaʼe oñehaʼarõva chugui (ehecha Organizados para hacer la voluntad de Jehová, páhina 216-218).

[Nóta oĩva taʼanga ndive páhina 2]

Iñimportanteterei ningo ñaipytyvõ umi ermáno pyahúpe omombarete hag̃ua ijerovia